وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, مۇنداي دەرەك 7 ماۋسىمنان بەرى وتكىزىلىپ جاتقان «اۆتوبۋس» ءىس-شاراسى كەزىندە تىركەلگەن.
«بۇل ءىس-شارانىڭ ماقساتى – وبلىس اۋماعىندا جولاۋشىلار كولىگى جۇرگىزۋشىلەرىنىڭ تاراپىنان جول قوزعالىسى ەرەجەلەرىن بۇزۋدى انىقتاۋ. ويتكەنى, جولدا ءجۇرى ەرەجەسىن ساقتاماي, جولاۋشىلاردىڭ ومىرىنە قاۋىپ توندىرەتىن جۇرگىزۋشىلەر بار», دەيدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
ونىڭ ايتۋىنشا, پوليتسيا قىزمەتكەرلەرى ەكى كۇندە 199 بۇزۋشىلىقتى انىقتاپتى. ونىڭ ىشىندە جولاۋشىلاردى, باگاجدى جانە جۇكتەردى تاسىمالداۋ قاعيدالارىن, مانەۆر جاساۋ ەرەجەلەرىن بۇزۋ, ءتيىستى رۇقساتسىز قايتا جابدىقتاۋ, تەحنيكالىق بايقاۋدان وتپەۋ, رۋلدە تەلەفوندى نەمەسە راديوستانتسيانى پايدالانۋ, جىلدامدىقتى ارتتىرۋ بار.
ال, ءۇش اۆتوبۋس ايىپ تۇراعىنا قويىلدى. جول ەرەجەسىن بۇزعان جۇرگىزۋشىلەرگە قاتىستى اكىمشىلىك حاتتامالار تولتىرىلدى.
