دەمەك, باسپانا يەلەرى وزدەرى تۇرعىن ءۇيدى باسقارادى. باستىسى ءبارى اشىق. تۇرعىندار ءۇي كەشەنىن دامىتۋ, اباتتاندىرۋ, كوگالداندىرۋ سەكىلدى جوسپارىنا قاتىستى شەشىم دە قابىلداي الادى.
شىمكەنتتە جاڭا جۇيەنى تۇرعىندارعا ءتۇسىندىرۋ, باسقارۋ نىساندارىن تىركەۋ بويىنشا اتقارىلىپ جاتقان جۇمىستاردى پىسىقتاۋ ماقساتىندا شىمكەنت قالاسى اكىمىنىڭ توراعالىعىمەن جينالىس ءوتتى. شىمكەنتتە جاڭا جۇيەنى تۇرعىندارعا ءتۇسىندىرۋ, باسقارۋ نىساندارىن تىركەۋ بويىنشا اتقارىلىپ جاتقان جۇمىستاردى پىسىقتاۋ ماقساتىندا شىمكەنت قالاسى اكىمىنىڭ توراعالىعىمەن جينالىس ءوتتى.
بۇگىندە قالاداعى 377 كوپقاباتتى تۇرعىن ءۇي جاڭا جۇيەگە كوشكەنىن باياندادى. ونىڭ 83-ءى م ۇلىك يەلەرىنىڭ بىرلەستىگى بولسا, 294-ءى جاي سەرىكتەستىكتەر.
قالا باسشىسى مۇرات ايتەنوۆ مەنشىك يەلەرى بۇل جاڭاشىلدىقتى ءالى تولىق ءتۇسىنىپ بولماعانىن ايتتى.
جاڭا باسقارۋ فورماسى ءبىر ءۇي - ءبىر باسقارۋ ورگانى - ەكى بانكتىك شوت (اعىمداعى جانە جيناق) سحەماسىمەن جۇمىس جاسايدى. ءاربىر پاتەر تۇرعىنى ءوز ءۇيىنىڭ, اۋلاسىنىڭ تازالىعى مەن ۇقىپتى پايدالانىلۋىنا ءوزى تىكەلەي جاۋاپتى بولادى. ماسەلەن, قازىر ولار اي سايىن شامامەن 700-800 تگ كسك-عا تولەپ جاتىر. الايدا شاعىم وتە كوپ. بىرەۋى ءۇي كىرەبەرىسىن جۋمايدى دەسە, ءبىرى جەرتولەدە دەزينفەكتسيا جاسالىنباي جاتىر دەپ ارىزدانادى. ەندى, تۇرعىندار ءوز كەلىسىمدەرىمەن ميب نەمەسە جس قۇراتىن بولسا, سول اقشالارىنىڭ قايدا, نە ماقساتتا كەتىپ جاتقانىن اشىق تۇردە كورىپ, وزدەرى باقىلاۋ جاساۋعا مۇمكىندىگى بار. جەكە ەسەپشوتتارىندا جينالعان اقشانى قاجەتتىلىكتەرىنە قاراي ءتيىمدى پايدالانىپ, ەسەبىن سۇراپ وتىرادى. بۇل كوممۋنالدىق قىزمەت كورسەتەتىن مەكەمەلەر اراسىندا دا باسەكە تۋدىرىپ, قىزمەت كورسەتۋدىڭ جوعارى ساپاسىنا قول جەتكىزۋگە مۇمكىندىك بەرەدى. تۇرعىنداردا تازالىق مادەنيەتى قالىپتاسادى. اۋلاداعى تاستاعان قوقىسىنا اكىمدىك ەمەس ءوزى جاۋاپتى ەكەنىن ۇعىنادى, - دەگەن جينالىس توراعاسى ءتۇسىندىرۋ جۇمىستارىن كۇشەيتۋدى تاپسىردى.
م ۇلىك يەلەرىنىڭ بىرلەستىگى – زاڭدى تۇلعا رەتىندە ادىلەت دەپارتامەنتىندە, جاي سەرىكتەستىك (زاڭدى تۇلعا ەمەس) تۇرعىن ءۇي ينسپەكتسياسى باسقارماسىندا تىركەلەدى. تۇرعىندار كەلىسىمىمەن ءۇي كەڭەسى قۇرىلىپ, سول باسقارادى. ول ءۇش جىل مەرزىمگە سايلانادى. ەگەر ءۇي كەڭەستەرى ءوز مىندەتتەرىن تيىسىنشە ورىنداماعان جاعدايدا جالپى جينالىس شەشىمىمەن قايتا سايلاناتىن بولادى.
جاڭا جۇيەنىڭ تاعى ءبىر ۇتىمدى تۇسى – ميب نەمەسە جس قۇرىلعان كوپ قاباتتى تۇرعىن ءۇيدىڭ بوس ءۇي-جايىن, جارنامادان جانە ت.ب. جالعا بەرۋ ارقىلى تابىس الۋ مۇمكىندىگى قاراستىرىلعان, تۇسكەن تابىستى ءۇيدىڭ جوندەۋ جۇمىستارىنا پايدالانۋعا بولادى. جەر ۋچاسكەسىن زاڭداستىرۋ, تىركەۋ مۇمكىندىكتەرى دە قاراستىرىلعان.
