ايماقتار • 08 ماۋسىم، 2021

تۇركىستان وبلىسىندا جوعالعان تۋريستەردىڭ زاتتارى تابىلدى

48 رەت كورسەتىلدى

تۇركىستان وبلىسىنداعى وگەم وزەنىنىڭ بويىنان جوعالعان تۋريستەردىڭ زاتتارى تابىلدى. بۇل تۋرالى قر تجم رەسمي وكىلى تالعات ءۋالي حابارلادى.

«بۇگىن ساعات 13:10-دا تۇركىستان وبلىسى تولە بي اۋدانىنىڭ ايعىرجىققان جانە وگەم وزەندەرى قوسىلعان تۇستان 500 مەتر جەردە جوعالعان تۋريستەردىڭ زاتتارى (جەمپىر، اياق قيىم، ۇيىقتاۋعا ارنالعان قاپ) تابىلدى. تجم قۇتقارۋشىلارى ولاردى پوليتسيا قىزمەتكەرلەرىنە تابىستادى. تۋريستەردىڭ ءبىرىنىڭ اناسى تابىلعان زاتتاردىڭ اراسىنان ءوز بالاسىنىڭ كيىمىن تانىدى»، دەدى ت. ءۋالي.

ۆەدومستۆو وكىلىنىڭ ايتۋىنشا، جوعالعان ەكى ءتۋريستى ىزدەۋ جۇمىستارى جالعاسىپ جاتىر.

«ايماقتا «قازاۆياقۇتقارۋ» اكتسيونەرلىك قوعامىنىڭ تىكۇشاعى اەروۆيزۋالدى بارلاۋ جاساپ ءجۇر. ىزدەستىرۋ جۇمىستارى 15 تاۋلىك بويى جالعاسۋدا. وعان تۇركىستان وبلىسىنىڭ توتەنشە جاعدايلار جانە پوليتسيا دەپارتامەنتتەرىنەن، ۇلتتىق قاۋىپسىزدىك كوميتەتىنىڭ شەكارا قىزمەتىنەن، ورمان شارۋاشىلىعىنان، وزبەكستان رەسپۋبليكاسى توتەنشە جاعيدارلار مينيسترلىگىنىڭ جەكە قۇرامىنان 137 قىزمەتكەر، 17 تەحنيكا، 1 تىكۇشاق جانە جوعالعان تۋريستەردىڭ تۋىستارى جۇمىلدىرىلعان. ىزدەۋ جۇمىستارى توعىز باعىتتا ءجۇرىپ جاتىر»، دەيدى تالعات ءۋالي.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار