الماتىدا كارانتين رەجىمىن بۇزعاندارعا ايىپپۇل سالىندى

ونلاين جيىن بارىسىندا مەگاپوليستەگى قازىرگى ەپيدەميولوگيالىق احۋال، كارانتيندىك شەكتەۋلەردىڭ ساقتالۋىن جۇزەگە اسىرۋ ماسەلەلەرى قارالدى. الماتى قالاسى سانيتاريالىق-ەپيدەميالىق باقىلاۋ دەپارتامەنتىنىڭ باسشىسى، قالانىڭ مەملەكەتتىك باس سانيتارلىق دارىگەرى جانداربەك بەكشين ىندەتتى جۇقتىرۋ دەڭگەيى تومەندەگەنىن ءمالىم ەتتى.

ونىڭ ايتۋىنشا، تاۋلىك ىشىندە كوروناۆيرۋستىڭ 184 جاعدايى تىركەلدى. سونىمەن قاتار، سوڭعى 7 كۇندە سيمپتومدى ناۋقاستاردىڭ ۇلەس سالماعى وتكەن جىلعى 50%-بەن سالىستىرعاندا 83،2%-دى قۇرادى. بۇل جوعارى پاتوگەندى مۋتاتسيالى COVID-19 شتامىنىڭ قوعامدا تارالعانىن كورسەتەدى.

ناۋقاستاردىڭ 21% – ءتۇرلى جشس، جك، اق قىزمەتكەرلەرى. سوندىقتان ۆيرۋستىڭ تارالۋىن بولدىرماۋ جانە شاعىن جانە ورتا بيزنەس كاسىپورىندارى جابىلماۋى ءۇشىن ۆاكتسينا سالدىرۋ قاجەت. انىقتالعانداي كوروناۆيرۋس ادامدار كوپ شوعىرلاناتىن جانە سانيتارلىق-ەپيدەميالىق نورمالار ساقتالمايتىن جەرلەردە، سونداي-اق قوعامدىق ورىندارعا بارۋ سالدارىنان تاراپ وتىر. ولار – بازارلار، ساياباقتار، دەمالىس ورىندارى، ساۋدا، ويىن-ساۋىق ورتالىقتارى جانە تاعى باسقالارى.

مىسالى، ازىق-ت ۇلىك بازارلارىندا جۇقتىرۋ 8،9%-عا، ازىق-ت ۇلىك دۇكەندەرىندە – 8،9%-عا، سوسو مەن ءسۇ-دە – 6،3%-عا وسكەن. وسىعان وراي احۋالدى ءارى قاراي تۇراقتاندىرۋ ءۇشىن قالا اكىمنىڭ ورىنباسارى ەرجان باباقۇماروۆ ادامدار كوپ جينالاتىن جەرلەردە مونيتورينگىلىك توپتاردىڭ جۇمىسىن كۇشەيتۋ قاجەتتىگىنە نازار اۋداردى.

اتاپ ايتقاندا، بازارلاردا، ۆوكزالداردا، اۋەجاي اۋماعىندا، سونداي-اق جازعى كەزەڭدى ەسكەرە وتىرىپ، فونتانداردىڭ جانىندا، ساياباقتار مەن الاڭداردا.

سانيتارلىق پاترۋلدەردىڭ جۇمىسىن ۇيىمداستىرۋعا قاتىستى جەكە تاپسىرمالار بەرىلدى.

الماتى اكىمدىگى قالا تۇرعىندارى مەن قوناقتارىن سانيتارلىق شارالاردى ساقتاۋعا شاقىرادى. ويتكەنى ينفەكتسيانىڭ جاڭادان ءورشۋ قاۋپى جوعارى، ونىڭ ىشىندە COVID-19 مۋتاتسيالانعان شتامدارى تەز ەنۋى مۇمكىن.

بەتپەردە تاعۋ رەجيمىن، الەۋمەتتىك قاشىقتىقتى ساقتاۋ، ادامدار كوپ جينالاتىن جەرلەردەن اۋلاق بولۋ، سونداي-اق مەديتسينالىق قارسى كورسەتىلىمدەر بولماسا، COVID-19 ۆاكتسيناسىن الۋ وتە ماڭىزدى. شتاب وتىرىسىندا مونيتورينگىلىك توپتاردىڭ جۇمىسى دا قارالدى. الماتىدا جىل باسىنان بەرى ولار 2 600-دەن استام تەكسەرۋ جۇرگىزدى، 24 مىڭعا جۋىق نىساننىڭ كارانتيندىك شارالاردى ساقتاۋى تەكسەرىلدى، 2200-دەن استام زاڭ بۇزۋشىلىق فاكتىلەرى انىقتالدى. زاڭدى جانە جەكە تۇلعالارعا جالپى سوماسى 320 ملن تەڭگە ايىپپۇل سالىندى.

كارانتيندى قاساقانا بۇزۋشىلار جايلى 75 ماتەريال سوتقا بەرىلدى، ولاردىڭ 54-ءى بويىنشا شەشىم قابىلداندى. وسى اپتادا، 31 مامىر – 4 ماۋسىمعا دەيىنگى ارالىقتا قالادا 815 نىسان تەكسەرىلدى، انىقتالعان بۇزۋشىلىقتار بويىنشا 6،2 ملن تەڭگەگە 56 حاتتاما تولتىرىلدى.

قالا اكىمىنىڭ ورىنباسارى ەرجان باباقۇماروۆ Ashyq جوباسىنا قاتىستى شەكتەۋ شارالارىن كۇشەيتىپ، بەتپەردە رەجيمى مەن الەۋمەتتىك قاشىقتىقتى ساقتاۋ قاجەتتىگىن ايتتى. بۇگىندە وسى جوبا اياسىندا الماتىدا 1700-دەن استام كاسىپكەرلىك سۋبەكتىلەر جۇمىس ىستەيدى.

الماتى قالاسى سانيتارلىق-ەپيدەميالىق باقىلاۋ دەپارتامەنتىنىڭ دەرەكتەرى بويىنشا 24 قاتىسۋشىنىڭ ەپيدەميالىق تالاپتاردى بۇزعانى انىقتالدى.

ولارعا ەسكەرتۋ جاسالدى، ەگەر زاڭدى بۇزۋ قايتالانسا، وندا بۇل سۋبەكتىلەر قاتىسۋشىلار تىزىمىنەن 2 اپتاعا شىعارىلادى، ءۇشىنشى بۇزۋشىلىق ءۇشىن ەكى اي مەرزىمگە الىنىپ تاستالادى.