ءورت دەزينفەكتسيا زاۋىتىن شارپىعان. قايعىلى وقيعا ورىن العاندا عيماراتتا 37 ادام جۇمىس ىستەپ جاتقان. ونىڭ 20-سى ەۆاكۋاتسيالانعان. الدىن الا اقپارات بويىنشا, ءورتتىڭ شىعۋىنا ەلەكتر قۋاتىنان شىققان اقاۋ سەبەپ بولۋى مۇمكىن. ءتىلسىز جاۋدى سوندىرۋگە 8 ءورت ءسوندىرۋ ماشيناسى جۇمىلدىرىلعان.
بۇل وقيعاعا بايلانىستى ءۇندىستاننىڭ پرەمەر-ءمينيسترى نارەندرا مودي الەۋمەتتىك جەلى ارقىلى پىكىر ءبىلدىردى.
«ماحاراشترا شتاتىنىڭ پۋنا قالاسىنداعى زاۋىتتا ءورت سالدارىنان بولعان ادام شىعىنى ءۇشىن قايعىرىپ وتىرمىز. قۇربان بولعانداردىڭ وتباسىنا كوڭىل ايتامىن», دەدى ول.
سونداي-اق نارەندرا مودي مەملەكەت تاراپىنان قازا تاپقانداردىڭ تۋىستارىنا 200 مىڭ رۋپي, ال زارداپ شەككەندەردىڭ ارقايسىسىنا 50 مىڭ رۋپي بەرىلەتىنىن ايتتى.
جانسايا مۇراتبەك
