بىرىڭعاي ديستريبيۋتور 2019 جىلى امبۋلاتوريالىق ءدارى-دارمەكپەن قامتاماسىز ەتۋ شەڭبەرىندە 45 نوزولوگيا بويىنشا (تمككك شەڭبەرىندە) ءدارى-دارمەك ساتىپ الدى. بۇل 114 ملرد تەڭگەدەن استام سومانى قۇرادى. ال 2020 جىلعى 1 قاڭتاردان باستاپ ءمامس شەڭبەرىندە 27,2 ملرد تەڭگە سوماسىنا 105 جانە 130,3 ملرد تەڭگە سوماسىنا 32 نوزولوگيا ەنگىزىلدى. وسىلايشا, تمككك جانە ءمامس شەڭبەرىندە نوزولوگيالاردى قامتۋ 3 ەسەگە كەڭەيتىلدى.
«تمككك جانە ءمامس جۇيەسى شەڭبەرىندە 2021 جىلى دارىلىك زاتتار مەن مەديتسينالىق بۇيىمداردىڭ 1 439 ءتۇرى ساتىپ الىنادى. ونىڭ ىشىندە بىرىڭعاي ديستريبيۋتور تىزىمىندەگى بارلىق پوزيتسيا ستاتسيونارلىق كومەك كورسەتۋگە ارنالعان. بىرىڭعاي ديستريبيۋتور امبۋلاتوريالىق ءدارى-دارمەكپەن قامتاماسىز ەتۋ ءۇشىن 2 ملن-نان اسا قازاقستاندىقتى تەگىن ءدارى-دارمەكپەن قامتاماسىز ەتۋ ءۇشىن 662 ءتۇرىن ساتىپ الادى. جالپى, 2020 جىلدىڭ 1 قاڭتارىنان باستاپ ءمامس ەنگىزىلۋىمەن 700 مىڭعا جۋىق ساقتاندىرىلعان تۇرعىندى امبۋلاتوريالىق دەڭگەيدە تەگىن ءدارى-دارمەكپەن قامتاماسىز ەتۋگە قول جەتكىزىلدى», دەدى ە.ەسقاليەۆ.
«سق-فارماتسيا» ءدارى-دارمەك جەتكىزۋمەن بايلانىستى ماسەلەلەردى شەشىپ, بىرىڭعاي ديستريبيۋتوردىڭ قويمالارىندا ەكى ايلىق ازايمايتىن قوردى قامتاماسىز ەتتى.
«دەنساۋلىق ساقتاۋ مينيسترلىگى 6,4 ملرد تەڭگە سوماعا COVID-19 اۋرۋىنان ەمدەۋ ءۇشىن ازايمايتىن قورداعى دارىلەردىڭ 38 پوزيتسياسىن بەكىتتى. وسى پوزيتسيالار بويىنشا كولەم 60 مىڭ پاتسيەنتتى ەمدەۋمەن قامتۋعا مۇمكىندىك بەرەدى. مەديتسينالىق ۇيىمداردا دا ءدارى-دارمەك جەتكىلىكتى. وتكەن جىلدان باستاپ ەلىمىزدىڭ مەديتسينالىق ۇيىمدارىنا COVID-19 اۋرۋىن ەمدەۋ حاتتاماسىنا سايكەس ءدارى-دارمەك ۇزدىكسىز جونەلتىلۋدە, بۇل – 91 پوزيتسيا. وسى اتاۋلار بويىنشا قالدىق جىل باسىندا 9,1 ملرد تەڭگەنى قۇرادى. 2021 جىلدىڭ باسىنان باستاپ اۋرۋحانالارعا 8,7 ملرد تەڭگەگە ءدارى-دارمەك جىبەرىلدى. امبۋلاتوريالىق ءدارى-دارمەكپەن قامتاماسىز ەتۋدىڭ تىزبەسى 5 اتاۋعا («پاراتسەتامول» جانە «يبۋپروفەن» ىستىقتى تۇسىرەتىن پرەپاراتتار, انتيكواگۋليانتتار) كەڭەيتىلدى. 2021 جىلعى كەزەڭدە رەسپۋبليكا ەمحانالارىنا 2 ملرد تەڭگەگە اتالعان ءدارى-دارمەكتەر جونەلتىلدى. سونىمەن قاتار تۇرعىندارعا رەتسەپت بويىنشا 500 ملن تەڭگەنىڭ ءدارى-دارمەگى بەرىلدى», دەدى «سق-فارماتسيا» باسشىسى.
سونداي-اق ول كوروناۆيرۋسقا قارسى ۆاكتسينانىڭ ءتورت ءتۇرىن تاڭداۋ مۇمكىندىگى بار ەكەنىن ەسكە سالدى. «سپۋتنيك-V» ۆاكتسيناسىنىڭ 10 ملن 280 مىڭ دوزاسى ساتىپ الىندى. ونىڭ ىشىندە بيىل 1 اقپاننان باستاپ وڭىرلەرگە ءبىرىنشى كومپونەنتتىڭ 1,9 ملن دوزاسى جانە ەكىنشى كومپونەنتتىڭ 14 ملن دوزاسى جونەلتىلدى. 10 ماۋسىمعا دەيىن ءبىرىنشى كومپونەنتتىڭ 1 ملن 200 مىڭ دوزاسىن جانە ەكىنشى كومپونەنتتىڭ 525 مىڭ دوزاسىن جونەلتۋ اياقتالادى.
QazVac ۆاكتسيناسىنىڭ 2 ملن دوزاسى ساتىپ الىندى. وڭىرلەرگە وتاندىق ۆاكتسينانىڭ 100 مىڭ دوزاسى جەتكىزىلدى. كەلەسى جەتكىزىلىم ماۋسىم ايىنىڭ سوڭىنا دەيىن جوسپارلانعان. Hayat-Vax-تىڭ 1 ملن دوزاسى ساتىپ الىندى جانە وڭىرلەرگە جونەلتىلدى. بۇدان باسقا, Sinovac Biotech كومپانياسى وندىرەتىن Coronavac ۆاكتسيناسىنىڭ 500 مىڭ دوزاسى ساتىپ الىندى. وڭىرلەرگە 12 ماۋسىمنان كەيىن جونەلتىلەدى.
ە.ەسقاليەۆتىڭ مالىمەتىنشە, بۇگىندە وڭىرلەرگە COVID-19 ۆاكتسيناسىنىڭ 4 ملن 400 دوزاسى جەتكىزىلگەن. ۆاكتسينالاردى ايماقتارعا ءبولۋ دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ تاپسىرىسى بويىنشا جۇزەگە اسىرىلادى.
