الەكسەي شپيلەۆسكي «ەرتسگەبيرگە» فۋتبول كلۋبىندا جاڭا قىزمەتكە تاعايىندالعان. «قايرات» فك مەرزىمىنەن بۇرىن كەلىسىمشاتتى ۇزگەن باپكەرى ءۇشىن وتەماقى الادى.
باس باپكەردىڭ مىندەتىن اتقارۋشى بولىپ بيىلعى ماۋسىمدا «قايرات-جاستار» كومانداسىن باسقارعان قازاقستاندىق كيريلل كەكەر تاعايىندالدى.
«قايرات» فك الەكسەي نيكولاەۆيچ شپيلەۆسكيگە اتقارعان جۇمىسى جانە بىرگە قول جەتكىزگەن جەتىستىكتەرى ءۇشىن العىس بىلدىرەدى! جاتتىقتىرۋشى مانسابىندا تابىس جانە جاڭا جەڭىستەر تىلەيمىز», دەلىنگەن كلۋب حابارلاماسىندا.
شپيلەۆسكيدىڭ نەمىس كلۋبىنا كەتۋى تۋرالى قاۋەسەت ءبىر كۇن بۇرىن پايدا بولدى. 33 جاستاعى مامان «قايراتقا» 2018 جىلدىڭ قاراشاسىندا كەلگەن, ال 2020 جىلى الماتىلىقتاردى 16 جىلدا العاش رەت چەمپيوناتقا شىعاردى. وسى چەمپيوناتتا «قايرات» ءۇشىنشى ورىندا كەلەدى.
