وليمپيادالار مەن جارىستاردىڭ قورىتىندىسى بويىنشا جۇلدەگەرلەر مەن جەڭىمپازدارعا ءتيىستى ديپلومدار, قاتىسۋشىلارعا سەرتيفيكاتتار تەگىن بەرىلەدى. بۇل ىنتالاندىرۋ ماقساتىندا جاسالادى.
«سونىمەن قاتار ءبىلىم بەرۋ قىزمەتتەرى نارىعىندا جەكە ۇيىمدار جۇمىس ىستەيدى, ولار بالالارعا, مەكتەپتەرگە, مۇعالىمدەرگە, اتا-انالارعا ءارتۇرلى اقپارات كوزدەرى ارقىلى ءوز قىزمەتتەرىن ۇسىنادى. بۇل قىزمەت كورسەتۋ سالاسى ليتسەنزيالانبايدى, قر بعم تاراپىنان رەسمي رۇقساتتاردى تالاپ ەتپەيدى. ولاردىڭ قىزمەتتەرى اقىلى, ولارعا قاتىسۋ ءۇشىن اتا-انالار ءوز قاراجاتتارىن سالادى نەمەسە باسقا كوزدەر تارتىلادى. ايتا كەتەيىك, بۇل جارىستاردىڭ دەڭگەيى ءار ءتۇرلى, ولاردىڭ ىشىندە وتە ناشار ۇيىمداستىرىلاتىنىن مۇعالىمدەر دە, مەكتەپتەر دە, اتا-انالار دا ايتادى. سونىمەن قاتار بالالاردى دامىتۋ تۇرعىسىنان قىزىقتى جانە تانىمدىق وليمپيادالار دا جوق ەمەس. كوبىنەسە بۇل ۇيىمدار وليمپيادالاردىڭ اتاۋىن مينيسترلىكتىڭ وليمپيادالارىنىڭ تىزبەسىندەگىدەي ەتىپ الادى. بىراق ءبىلىم جانە عىلىم مينيسترلىگىنىڭ بۇل اقىلى جارىستارعا ەشقانداي قاتىسى جوق. سوندىقتان بالالار مەن ولاردىڭ اتا-انالارى, مۇعالىمدەر مەن مەكتەپتەر ءارتۇرلى وليمپيادالار مەن كونكۋرستارعا بالالاردىڭ قاتىسۋىن تاڭداعاندا مۇقيات بولۋى كەرەك. ءوز قارجى قاراجاتىن جۇمساماس بۇرىن, ۇيىمداستىرۋشىنىڭ كىم ەكەنىن, بالالاردى دامىتۋدا قانداي تاجىريبەسى بار, بالالاردىڭ ولارعا نە ءۇشىن قاتىسۋى, قانداي دا ءبىر كونكۋرس نەمەسە وليمپيادا وقۋشىنىڭ دامۋىنا نە بەرەتىنىن, ولاردىڭ قانداي داعدىلار مەن قۇزىرەتتەردى دامىتاتىنىن جانە ت.ب. انىقتاۋ قاجەت», دەپ ەسكەرتتى ۆيتسە-مينيستر.
ءبىلىم جانە عىلىم مينيسترلىگى وتكىزەتىن زياتكەرلىك وليمپيادالار مەن كونكۋرستاردى «دارىن» رەسپۋبليكالىق ورتالىعى, شىعارماشىلىق جانە كوركەمدىك باعىتتاردى رەسپۋبليكالىق قوسىمشا ءبىلىم بەرۋ ورتالىعى, سپورتتىق باعىتتاردى رەسپۋبليكالىق دەنە شىنىقتىرۋ جانە سپورت ورتالىعى ۇيلەستىرەدى.
جالپى, وليمپيادالار مەن بايقاۋلارعا قاتىسۋ ەرىكتى تۇردە جۇرگىزىلەدى. ءار اتا-انانىڭ ءوزى بالاسىنىڭ اقىلى جارىستارعا قاتىسۋىن نەمەسە قاتىسپاۋىن ءوزى انىقتايدى. بۇل رەتتە مۇعالىمدەردىڭ دە, مەكتەپ اكىمشىلىكتەرىنىڭ دە, ادىستەمەلىك قىزمەتتەردىڭ دە اقىلى ءىس-شارالاردى ۇيىمداستىرۋعا, اقىلى تۇردە قاتىسۋعا ماجبۇرلەۋگە قۇقىعى جوق. ەگەر ماجبۇرلەۋ فاكتىلەرى بولسا, ءبىلىم بەرۋ ساپاسىن قامتاماسىز ەتۋ كوميتەتىنىڭ اۋماقتىق دەپارتامەنتتەرىنە جۇگىنۋ قاجەت.
