مەديتسينا • 07 ماۋسىم، 2021

QazVac ۆاكتسيناسىن ازىرلەۋشىلەر Medsupportkz سىنىنا جاۋاپ بەردى

41 رەت كورسەتىلدى

وتاندىق ۆاكتسينانى ازىرلەۋشى جانە بيولوگيالىق قاۋىپسىزدىك پروبلەمالارى عزي ەرەكشە ينفەكتسيالار زەرتحاناسىنىڭ مەڭگەرۋشىسى لەسبەك قۇتىمبەتوۆ Medsupportkz قاۋىمداستىعىنىڭ دارىگەرلەرى مەن عالىمدارىنىڭ سىنىنا جاۋاپ بەردى، دەپ حابارلايدى Egemen.kz.

«حالىقتان الاڭداماۋىن سۇراۋ كەرەك. ءبىرىنشى كەزەكتە، ازىرلەۋشى، ياعني ءبىز 60 جىلدان بەرى ۆاكتسينا ازىرلەۋمەن اينالىسىپ كەلەمىز. ءبىز ساپاسىز پرەپاراتتى جاپپاي قولدانۋعا جىبەرە سالا المايمىز. بۇل ۆاكتسينا زەرتحانالىق جانۋارلارعا ەگجەي-تەگجەيلى كلينيكاعا دەيىنگى زەرتتەۋلەردەن ءوتتى. ءوزىمىز وسى ۆاكتسينانى سالدىق. ۆاكتسينانىڭ زيانى جوعى انىقتالدى. ونىڭ يممۋنوگەندىك بەلسەندىلىگى بار. ياعني، كوروناۆيرۋس ينفەكتسياسىنان قورعايدى»، دەدى قۇتىمبەتوۆ.

مۇنى كوروناۆيرۋس ينفەكتسياسىنىڭ قوزدىرعىشىنا، اتاپ ايتقاندا SARS-CoV-2-گە قارسى ناقتى انتيدەنەلەردى انىقتاۋ بويىنشا زەرتحانالىق تالداۋلار راستايتىنى حابارلاندى.

«بۇل جۇقپالى ۆيرۋسقا قارسى بەلگىلى ءبىر جولمەن دەنەلەردى، قان سارىسۋىن انىقتاۋدا ايقىندالادى. ونىڭ كوبەيۋ قابىلەتىن، پاتوگەندىك قاسيەتتەرى مەن ۆاكتسينا سالعاندا پايدا بولعان انتيدەنەلەردى قانشالىقتى بەيتاراپتاندىراتىنى انىقتالادى»، دەدى ول.

ول Medsupportkz-ءتىڭ ستاتيستيكالىق مالىمەتتەر جوق جانە ازىرلەۋشىلەر ءوندىرىس پروتسەسى تۋرالى اقپاراتتى اشۋدان باس تارتاتىنى تۋرالى مالىمدەمەسىنە جاۋاپ بەردى.

«ەڭ سەنىمدى دەرەكتەر - كلينيكالىق زەرتتەۋلەر ناتيجەلەرى بويىنشا ەسەپ. كلينيكالىق زەرتتەۋلەردىڭ ءبىرىنشى كەزەڭى ءوتتى، كلينيكالىق زەرتتەۋلەردىڭ ەكىنشى كەزەڭى ادامدارعا بولدى. بۇل زەرتتەۋلەردى ءبىز جۇرگىزگەن جوقپىز، ءبىز تەك زەرتتەۋ بارىسىن باقىلادىق. كلينيكالىق زەرتتەۋلەردى زەرتتەۋشىلەر مەن دارىگەرلەر جۇرگىزەدى. ءبىز ولارعا زەرتتەۋ حاتتاماسىن بەرەمىز. سوعان سايكەس ولار زەرتتەۋ جۇرگىزەدى. ءبىز ولاردىڭ پىكىرىن تەرىس نەمەسە جاعىمدى جاققا بۇرا المايمىز. ولار ۆاكتسينا تۋرالى بەيتاراپ قورىتىندى جاسايدى»، دەدى عالىم.

بۇعان دەيىن Medsupportkz قاۋىمداستىعىنىڭ عالىمدارى مەن دارىگەرلەرى كوروناۆيرۋسقا قارسى قازاقستاندىق ۆاكتسينانى الۋعا كەڭەس بەرە المايتىنىن مالىمدەگەن بولاتىن.

 

 

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار