4 ماۋسىم كۇنى جەتىساي اۋدانىنىڭ جەرگىلىكتى تۇرعىنى جەتىساي اۋداندىق پوليتسيا بولىمىنە جۇگىنگەن. ول 14 جاستاعى قىزى 4 ماۋسىم كۇنى تۇسكى ۋاقىتتا ۇيىنەن بەلگىسىز باعىتقا شىعىپ كەتىپ, قايتا ورالماعانىن ايتقان. اتالعان جايت جەتىساي اپب-دە بىردەن تىركەۋگە الىنعان.
قازىرگى تاڭدا جەرگىلىكتى پوليتسيا قىزمەتىنىڭ ۋچاسكەلىك پوليتسيا ينسپەكتورلارى ءجاسوسپىرىم قىزدى ىزدەستىرۋ جۇمىستارىن جۇرگىزۋدە. سونىمەن قاتار جەتىساي اۋدانى اكىمشىلىگىنىڭ قىزمەتكەرلەرىمەن بىرگە ءموبيلدى توپ قۇرىلىپ, ىزدەستىرۋ جۇمىستارى جان-جاقتى ىسكە اسىرىلۋدا.
«وسى تۇستا بارلىق تۇرعىندار مەن قوناقتاردان جوعالعان قىزدى تابۋعا كومەكتەسۋلەرىن سۇرايمىز», دەدى پوليتسيا دەپارتامەنتىنەن.
بەلگىلەرى: ۇستىندە اق ءتۇستى فۋتبولكا, قارا دجينسى شالبار جانە اياعىندا قارا ءتۇستى اياق كيىمى بولعان. وزىمەن بىرگە قارا ءتۇستى «سامسۋنگ دج-2» ماركالى ۇيالى تەلەفونى بار. قانداي دا ءبىر مالىمەتكە يە ازاماتتار جەتىساي اپب-نىڭ كەزەكشىلىك نومىرىنە: 8 7253467020 نەمەسە پوليتسيانىڭ 102 تەلەفون نومىرىنە حابارلاسا الادى.
