ەرلەر سايىسىندا ەل نامىسىن ەلدوس جۇماحانوۆ قورعايدى. 2015-2019 جىلدار ارالىعىندا ازيا چەمپيوناتىندا ءتورت مارتە جۇلدەگەرلەر ساناتىنان كورىنگەن قانداسىمىز بۇل كۇندەرى الەمدىك رەيتينگتە 13-ورىندا تۇر. ءوزىنىڭ العاشقى كەزدەسۋىن ول ادريان گامبوچقا قارسى وتكىزەدى. 26 جاستاعى سلوۆەنيانىڭ سپورتشىسى 2017 جىلى ەۋروپا بىرىنشىلىگىندە كۇمىس مەدالدى يەلەنسە, 2018 جىلى باس جۇلدەنى ولجالادى. 2016 جىلى ريو وليمپياداسىندا ول قولا مەدال ءۇشىن باسەكەدە وزبەكستاندىق ريشود سوبيروۆتان ۇتىلىپ, بەسىنشى ورىنعا تابان تىرەگەن ەدى. قازىرگى كەزدە گامبوچ ۇزدىكتەر تىزىمىندە 25-ساتىعا جايعاستى. وسى كەزدەسۋدىڭ جەڭىمپازى فيليپپيندىك ناكانو شۋگەن مەن اۋستراليالىق ناتان كاتتس اراسىنداعى بەلدەسۋدە باعى جانعان بالۋانمەن كۇش سىناسادى.
ايەلدەر باسەكەسىندە نۇرسۇلۋ ەراليەۆاعا سەنىم ارتامىز. كەلەسى كەزەڭدە قازاق قىزى وليمپيا ويىندارى مەن الەم چەمپيوناتىنىڭ قولا جۇلدەگەرى, ەۋروپا ويىندارىنىڭ جەڭىمپازى, قۇرلىق چەمپيونى بەلگيالىق شارلين ۆان سنيكپەن شەبەرلىك بايقاسادى.
