دۇيسەنبىدە پاكىستاننىڭ وڭتۇستىگىندە ەكى جولاۋشىلار پويىزى سوقتىعىسىپ, 25 ادام قازا تاپقانى جايلى Associated Press باسىلىمى جەرگىلىكتى پوليتسيا مەن قۇتقارۋ توپتارىنا سىلتەمە جاساپ حابارلاعان.
باسىلىم اقپاراتىنا سۇيەنسەك, وقيعا ەلدىڭ وڭتۇستىگىندەگى سيندح پروۆينتسياسىنداعى گوتكي قالاسىنىڭ ايماعىندا بولعان.
پوليتسيا وكىلدەرى مەن جەرگىلىكتى تۇرعىندار, قۇتقارۋشىلار قايتىس بولعان جانە جاراقات العان جولاۋشىلاردى جاقىن ماڭداعى اۋرۋحانالارعا جەتكىزگەن.
ازىرگە وقيعانىڭ سەبەپ-سالدارى جايلى اقپارات بەرىلگەن جوق.
