وقيعا باقىلاۋ كامەرالارىنا تۇسكەن, جازبا الەۋمەتتىك جەلىلەردە جاريالاندى. كادرلاردا جۇك كولىگى ارتىمەن قوزعالىپ بارا جاتىپ, تۇراققا قاراي بۇرىلعانىن, ودان ارى قابىرعا الدىنا قويىلعان جەڭىل كولىكپەن سوقتىعىساتىنىن كورۋگە بولادى. جول-كولىك وقيعاسى سالدارىنان جەڭىل كولىك قورشاۋدى تەسىپ ءوتتى. وقيعا كەزىندە كوشەدە ءبىر ايەل كەتىپ بارا جاتقان.
سقو پوليتسيا دەپارتامەنتىنىڭ ءباسپاسوز قىزمەتى ارنايى تەحنيكا جۇرگىزۋشىسى جاياۋ جۇرگىنشىنى قاعىپ كەتپەۋگە تىرىسقانىن, سوندىقتان كولىك تۇراعىنا تەز ارادا بۇرىلعانىن حابارلادى. سالدارىنان ەكى اۆتوكولىك زارداپ شەكتى, ولاردىڭ ءبىرىنىڭ ءبۇيىرى زاقىمدالدى.
«2021 جىلى 5 ماۋسىمدا «زيل 431410» ماركالى كولىك قۇرالىنىڭ 56 جاستاعى جۇرگىزۋشىسى ارتپەن ءجۇرىپ بارا جاتقاندا مانەۆردىڭ قاۋىپسىزدىگىنە كوز جەتكىزبەي, ءرولدى باسقارا الماي «قىزىلجار سۋ» اق تۇراعىندا تۇرعان كولىكتەرمەن سوقتىعىستى. سالدارىنان ەكى اۆتوكولىك زاقىمدالدى - Volkswagen Golf جانە Ravon. زارداپ شەككەندەر جوق, جۇرگىزۋشى ماس بولماعان», دەدى پەتروپاۆل پوليتسيا باسقارماسى وكىلدەرى.
ۆەدومستۆو مالىمەتىنشە, جول-كولىك وقيعاسى دەرەگى بويىنشا «زيل 431410» اۆتوكولىگىنىڭ جۇرگىزۋشىسىنە قاتىستى قر اقبك 610-بابى 1-بولىگى بويىنشا اكىمشىلىك ماتەريال جينالىپ, پەتروپاۆل قالاسىنىڭ مامانداندىرىلعان اكىمشىلىك سوتىنىڭ قاراۋىنا جولدانادى.
