وزبەكستان پرەزيدەنتى جوعارى دەڭگەيدەگى تۇراقتى جانە ءتيىمدى بايلانىستىڭ ارقاسىندا قول جەتكەن دوستىق, تاتۋ كورشىلىك جانە ستراتەگيالىق سەرىكتەستىككە نەگىزدەلگەن بۇگىنگى قازاق-وزبەك قاتىناسىن ەرەكشە اتاپ ءوتتى.
ءوز كەزەگىندە سەنات توراعاسى وزبەكستان كوشباسشىسىنا قابىلداۋى ءۇشىن العىسىن ءبىلدىرىپ, قازاقستان پرەزيدەنتى قاسىم-جومارت توقاەۆتىڭ سالەمىن جەتكىزدى.
ماۋلەن اشىمباەۆ پارلامەنتارالىق ءوزارا ءىس-قيمىلدى نىعايتۋ ماقساتىمەن ولي ماجىلىستەگى ارىپتەستەرىمەن بىرلەسىپ اتقارىلىپ جاتقان جۇمىستار تۋرالى دا ايتتى.
قازاقستان سەناتىنىڭ توراعاسى ەكى مەملەكەتتىڭ پرەزيدەنتتەرى ىنتىماقتاستىقتىڭ جوعارى دەڭگەيىن بەلگىلەپ بەرگەنىن تىلگە تيەك ەتىپ, ونى ەل پارلامەنتتەرى ارقىلى قولداۋدىڭ ماڭىزدى ەكەنىنە نازار اۋداردى. قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ قازاقستان مەن وزبەكستان اراسىنداعى قارىم-قاتىناستىڭ نىعايۋىنا باسا ءمان بەرىپ وتىر.
سەنات سپيكەرى قازاقستان مەن وزبەكستاننىڭ پارلامەنتارالىق ىنتىماقتاستىعى بەلسەندى دامىپ كەلە جاتقانىن جانە ونىڭ بارلىق قىرلارى بويىنشا ءوزارا تۇسىنىستىككە قول جەتكىزىلگەنىن اتاپ ءوتتى.
سونداي-اق, ماۋلەن اشىمباەۆ قازاقستان مەن وزبەكستاننىڭ اراسىنداعى ىنتىماقتاستىق ەكى ەلدىڭ بولاشاعىنا وڭ اسەرىن تيگىزەتىنىنە سەنىم ءبىلدىردى. ال, تاتۋ كورشىلىك, سىندارلى جانە ءوزارا ءتيىمدى قارىم-قاتىناس – ەلدەرىمىزدىڭ ءوسىپ-وركەندەۋىنىڭ كەپىلى.
ء«بىزدىڭ تىعىز, جان-جاقتى جانە ءوزارا سەنىمگە نەگىزدەلگەن بايلانىستارىمىز ەكى مەملەكەتتىڭ دە ۇلتتىق مۇددەلەرىنە ساي كەلەدى. مەملەكەت باسشىلارى دەڭگەيىندەگى سەنىمدى جانە ناتيجەلى ديالوگ وسىنداي ىنتىماقتاستىقتىڭ ىرگەتاسى بولىپ سانالادى. قازاقستان پارلامەنتىنىڭ سەناتى قازاقستان مەن وزبەكستان اراسىنداعى پارلامەنتارالىق ىنتىماقتاستىقتى نىعايتۋ جانە ستراتەگيالىق سەرىكتەستىكتى دامىتۋ ءۇشىن بارلىق قاجەتتى جۇمىستى اتقارادى», دەدى ماۋلەن اشىمباەۆ.
سونىمەن قاتار كەزدەسۋ بارىسىندا مادەني-گۋمانيتارلىق بايلانىستاردى نىعايتۋدىڭ پەرسپەكتيۆالارى, حالىقارالىق ارەناداعى ءوزارا ءىس-قيمىل جانە تاعى باسقا ماسەلەلەر تالقىلاندى.
