اتالعان اكتسيا قر تاۋەلسىزدىگىنىڭ 30 جىلعى مەرەيتويىنا وراي وتكىزىلدى. سونداي-اق, وسى مەرەيتوي اياسىندا ماۋسىم پاتريوتيزم ايى بولىپ بەلگىلەندى.
اكتسيا بارىسىندا قازاقستاندىق جاستاردىڭ جاسامپازدىق جانە رۋحاني-ادامگەرشىلىك دامۋىنا باعىتتالعان جاستاردىڭ پاتريوتتىق اكتىسى جاريالانىپ, قابىلداندى.
بەلسەندىلەر تاۋەلسىزدىكتىڭ ۇرپاعى جانە قۇرداسى بولا وتىرىپ, تاۋەلسىز قازاقستاننىڭ جەتىستىكتەرىن تەرەڭ قۇرمەتتەۋگە جانە وتانىمىزدىڭ وركەندەۋىنە سەپتىگىن تيگىزۋ ماقساتىندا اعا بۋىننىڭ جاسامپاز باستامالارىن جالعاستىرۋعا شاقىردى.
ءىس-شاراعا رەسپۋبليكالىق جاستار ۇيىمدارىنىڭ: قازاقستان حالقى اسسامبلەياسى جانىنداعى «جاڭعىرۋ جولى» رەسپۋبليكالىق جاستار قوزعالىسى, «Nur Otan» پارتياسىنىڭ «Jas Otan» جاستار قاناتى, «قازاقستان جاستارى كونگرەسى», قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسى ستيپەندياتتارى قاۋىمداستىعى, «جاس ۇلان» رەسپۋبليكالىق بالالار-جاسوسپىرىمدەر ۇيىمى, قازاقستان ستۋدەنتتەر اليانسى, قازاقستان كۆن وداعىنىڭ باسشىلارى مەن وكىلدەرى قاتىستى.
ءىس-شارا الەۋمەتتىك جەلىلەردە تىكەلەي ەفيردە كورسەتىلدى.
جاستار ۇيىمدارىنىڭ ايماقتىق فيليالدارى مەن جاستار رەسۋرستىق ورتالىقتارى دا اكتسيانى قولدادى جانە ونى ارنايى #مەنىڭ رامىزدەرىم; #مەنىڭ تۋىم; #مەنىڭ قازاقستانىم; #رامىزدەر كۇنى حەشتەگتەر ارقىلى ناسيحاتتادى:
مەملەكەتتىك رامىزدەر كۇنىنە وراي ءتۇرلى فورماتتاعى 400-گە جۋىق ءىس-شارا: پاتريوتتىق اكتسيالار, سپورتتىق جارىستار مەن تۋرنيرلەر, كىتاپ كورمەلەرى, چەللەندجدەر, سۋرەت بايقاۋلارى, تاقىرىپتىق كەزدەسۋلەر, ونىڭ ىشىندە 170-تەن استامى ونلاين-فورماتتا ءوتتى.
