«بىلتىردان باستاپ ءبىز بۇكىل جۇيەنى قايتا جۇكتەپ, اكىمشىلىك شىعىنداردى ۇزدىكسىز وڭتايلاندىرىپ كەلەمىز. اتاپ ايتقاندا, شىعىنداردى ۇنەمدەۋدەن 239 ملن تەڭگە ارتىلدى. بايلانىس قىزمەتتەرى بويىنشا شىعىستار قىسقارتىلىپ, يميدجد شىعىندارى تولىق قىسقارتىلدى. جوندەۋ جۇمىستارىنا ارنالعان شىعىندار, سونداي-اق سوت داۋلارى بويىنشا شىعىندار دا جويىلدى. مينيسترلىكتىڭ تاپسىرماسى بويىنشا عيماراتتى جالعا الۋ شىعىستارىن ءبىر شارشى مەترگە 7 000 تەڭگەدەن 5 990 تەڭگەگە دەيىن تومەندەتتىك. بۇل نارىق باعاسى. قازىر اۆتوكولىكتى جالعا پايدالانىپ وتىرمىز. بۇل سوماعا جۇرگىزۋشىلەردىڭ جالاقىسى, قىزمەت كورسەتۋ, جانارماي شىعىنى كىرەدى. ونىڭ كولەمى بىلتىرعىدان جوعارى ەمەس», دەگەن «سق-فارماتسيا» باسشىسى بيىل قانشا سىياقى الاتىندارىن ايتتى.
«سك-فارماتسيا» سىياقىلارعا بيىل 179 ميلليون تەڭگە ءبولدى. مەديتسينالىق ۇيىمدار شەڭبەرىندە الساق, ستاندارتتى سوما دەۋگە بولادى. بۇل سىياقىنىڭ باسقارما مۇشەلەرىنە قاتىسى جوق», دەدى ەرحات ەسقاليەۆ. كومپانيا باسشىسى بۇل ءسوزىنىڭ ءمانىن بىلا ءتۇسىندىردى. كومپانيانىڭ بۇرىنعى باسشىلىعىنىڭ ۇستىنەن قوزعالعان تەرگەۋلەر اياقتالعانشا قازىرگى باسقارما مۇشەلەرىنە دە جىل سايىنعى بونۋستىق سىياقى تولەنبەيدى.
ء«وز ايلىعىما كەلەر بولسا, ونى ارقاشان اشىق ايتىپ ءجۇرمىن – 1 ملن 300 مىڭ تەڭگە. بۇدان قولعا تازا تۇسەتىنى مىسالى, ميلليون تەڭگەگە جەتپەيدى», دەدى ە.ەسقاليەۆ.
