«قۇرمەتتى دوستار! بارشاڭىزدى مەملەكەتتىك رامىزدەر كۇنىمەن قۇتتىقتايمىن!
بۇل – ەلدىك پەن ەگەمەندىكتى دارىپتەيتىن, ۇلتتىڭ رۋحىن اسقاقتاتىپ, وتانشىلدىق سەزىمىن ارتتىراتىن ايرىقشا مەرەكە.
ءبىزدىڭ تۋىمىز, ەلتاڭبامىز جانە ءانۇرانىمىز تاۋەلسىزدىگىمىزدىڭ نەگىزگى نىشانى, مەملەكەتتىلىگىمىزدىڭ باستى بەلگىسى. بىلتىر پرەزيدەنتىمىز قاسىم-جومارت كەمەل ۇلى توقاەۆ مەملەكەتتىك تۋدى كەڭىنەن قولدانۋعا قاتىستى ازاماتتاردىڭ ۇسىنىسىنا قولداۋ بىلدىرگەنى بەلگىلى. سونىڭ ناتيجەسىندە ءتيىستى شەشىمدەر قابىلدانىپ, كوك بايراعىمىزدى پايدالانۋ اياسى كەڭەيتىلدى. مۇنىڭ ءوزى تاۋەلسىزدىگىمىزدى نىعايتۋ جولىنداعى قادامداردىڭ ءبىرى ەكەنى ءسوزسىز.
ۇلتتى ورتاق مۇددەگە ۇيىستىراتىن مەرەكە قۇتتى دا ۇزاعىنان بولسىن. تاۋەلسىز قازاق ەلى جاساي بەرسىن!», دەپ جازدى ماۋلەن اشىمباەۆ.
