پەتروپاۆل پوليتسەيلەرى تۇرعىنداردان ساق بولۋدى جانە «بانكتىڭ قاۋىپسىزدىك قىزمەتىنەن قوڭىراۋ شالىپ تۇرمىز» دەگەن الاياقتاردىڭ قۇيتىرقى ارەكەتتەرىنە سەنبەۋدى سۇرايدى.
ينتەرنەت الاياقتار پەتروپاۆلدىڭ 44 جاستاعى تۇرعىنىنا سەگىز ميلليون تەڭگەدەن استام شىعىن كەلتىرگەن. ايەل «بانكتىڭ قاۋىپسىزدىك قىزمەتىنەن قوڭىراۋ شالىپ تۇرمىز» دەگەن الاياقتاردىڭ سوزىنە سەنىپ قالعان. بەيتانىس داۋىس وعان شوتىندا كۇدىكتى ارەكەتتەر جۇرگىزىلىپ جاتىر دەپ حابارلاعان. اقشانى ساقتاپ قالۋ ءۇشىن ونى قوسالقى شوتقا اۋدارۋ قاجەت ەكەنىن ايتقان. ايەل قىلمىسكەرلەردىڭ نۇسقاۋىن ورىنداپ, بارلىق جيعان-تەرگەنىنەن ايىرىلىپ قالعان.
اتالعان فاكتى قر قىلمىستىق كودەكسىنىڭ 190-بابى 3-ب. (الاياقتىق) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. پوليتسەيلەر قالا تۇرعىندارىنان قاسكويلەردىڭ جالعان سوزدەرىنە سەنبەۋدى سۇرايدى.
