مەملەكەت باسشىلارى ەكىجاقتى كۇن تارتىبىندەگى بارلىق باعىت بويىنشا قازاق-وزبەك قاتىناستارىنىڭ دامۋ قارقىنى جوعارى ەكەنىن اتاپ ءوتتى.
پرەزيدەنتتەر ستراتەگيالىق سەرىكتەستىكتى ودان ءارى تەرەڭدەتۋگە نيەتتى ەكەنىن ايتىپ, ءوزارا ىقپالداستىقتى كەڭەيتۋدىڭ ناقتى ماسەلەلەرىن ەگجەي-تەگجەيلى تالقىلادى.
اڭگىمەلەسۋ بارىسىندا قاسىم-جومارت توقاەۆ پەن شاۆكات ميرزيوەۆ ونەركاسىپ, ماشينا جاساۋ, اۋىل شارۋاشىلىعى, كولىك سالالارى بويىنشا جوعارى دەڭگەيدە قول جەتكىزگەن ۋاعدالاستىقتاردى ءتيىمدى جۇزەگە اسىرۋدىڭ ماڭىزدىلىعىنا توقتالىپ, ەكى ەل ۇكىمەتتەرىنىڭ تىعىز قارىم-قاتىناس جاساۋى قاجەت ەكەنىنە نازار اۋداردى.
مەملەكەت باسشىلارى وڭىرلىك كۇن تارتىبىندەگى وزەكتى ماسەلەلەر جونىندە پىكىر الماسىپ, اۋعانستانداعى احۋالعا بايلانىستى ورتالىق ازيانىڭ قاۋىپسىزدىگى مەن تۇراقتىلىعىن كۇشەيتۋ ماقساتىمەن ىنتىماقتاستىقتى نىعايتۋعا مۇددەلى ەكەنىن ناقتىلادى.
