ۆەدومستۆونىڭ مالىمەتىنشە, 2 ماۋسىمدا نۇر-سۇلتان قالالىق پد جەدەل باسقارۋ ورتالىعىنىڭ كەزەكشى بولىمىنە تالاپكەر اۋىلىنىڭ اۋماعىندا «الماتى-ەكاتەرينبۋرگ» اۆتوجولىنىڭ 1237 شاقىرىمىندا «Toyota Camry» ماركالى اۆتوكولىگى جاياۋ جۇرگىنشىنى قاعىپ كەتكەنى تۋرالى تەلەفون حابارلاماسى تۇسكەن.
ء«مالىم بولعانداي, نۇر-سۇلتان قالاسىنا باعىت العان 20 جاستاعى استانالىق جولدى رۇقسات ەتىلگەن تۇسىنان باعدارشامنىڭ جاسىل تۇسىنە ءوتىپ بارا جاتقان تالاپكەر اۋىلىنىڭ 18 جاستاعى تۇرعىنىن قاعىپ كەتتى. جاس جىگىت وقيعا ورنىندا كوز جۇمدى», دەدى ۆەدومستۆودان.
قازىرگى كەزدە, كولىك جۇرگىزۋشىسىنىڭ ۇستىنەن قىلمىستىق كودەكستىڭ 345 بابىنىڭ 3-ءشى بولىگى «جول قوزعالىسى ەرەجەلەرىن بۇزۋ» بويىنشا سوتقا دەيىنگى تەرگەۋ شارالارى جۇرگىزىلۋدە. سونىمەن بىرگە, وعان «كۇزەتپەن ۇستاۋ» بۇلتارتپاۋ شاراسى تاڭدالدى. تەرگەۋ امالدارى جالعاسۋدا.
