ەنەرگەتيكا ءمينيسترى نۇرلان نوعاەۆ ماجىلىستە وتكەن وتىرىستا مۇناي-گاز-حيميا سالاسىن دامىتۋدىڭ بەس جىلدىق ۇلتتىق جوباسى قانداي ناتيجە بەرەتىنىن مالىمدەدى.
«ۇكىمەتپەن مۇناي-گاز سەكتورىن شيكىزاتتىق باعىتتان تەرەڭ وڭدەلگەن, قوسىلعان قۇنى جوعارى ءونىم شىعارۋعا باعدارلاۋ بويىنشا جۇمىس جۇرگىزىلۋدە. قويىلعان مىندەتتەردى ىسكە اسىرۋ ارقىلى مۇناي-گاز حيمياسى ونىمدەرى ءوندىرىسىنىڭ كولەمىن 2025 جىلعا قاراي 2 ملن تونناعا جەتكىزۋ كوزدەلگەن», دەدى نۇرلان نوعاەۆ.
ۆەدومستۆو باسشىسىنىڭ مالىمەتىنشە, مۇناي-گاز حيمياسى ونىمدەرىنىڭ ەكسپورتىن 2025 جىلعا قاراي 8 ەسەگە ۇلعايتىپ, 1,336 ملرد دوللار تابس اكەلۋ كوزدەلگەن.
«بۇل بارلىق كىرىستىڭ 80%-ىن قۇرايدى. 2025 جىلعا دەيىن جالپى قۇنى 4,7 ملرد دوللار بولاتىن 5 زاۋىتتىڭ قۇرىلىسىن اياقتاپ, جالپى قۇنى 12,7 ملرد دوللار بولاتىن 7 زاۋىتتىڭ قۇرىلىسىن باستاۋ كوزدەلۋدە», دەدى مينيستر.
