پاكەتتە 300 مىڭ تەڭگە جانە ءيىسسۋ بار ەكەنى انىقتالدى. الايدا سىيلىق يەسى ءوزىن تانىستىرماپتى. سوت قىزمەتكەرلەرى قازىر اتالعان فاكت بويىنشا تەرگەپ-تەكسەرۋ امالدارى باستالعانىن ايتتى. قازىرگى تاڭدا بەلگىسىز ايەل ىزدەستىرىلىپ جاتىر.
«بەيتانىس ازاماتشا كەلىپ, سۋديا باستاۋباەۆپەن كەزدەسۋدى سۇراعان. الايدا قىزمەتكەرلەر وعان سۋديالارمەن پروتسەسسۋالدىق تىيىم سالىنعانى تۇسىندىرىلگەن سوڭ, قولىنداعى پاكەتتى كەڭسەگە قالدىرىپ سۋدياعا بەرۋدى ءوتىنىپ كەتىپ قالعان. ىشكى قاۋىپسىزدىك ءبولىمىنىڭ قىزمەتكەرلەرى اتالعان پاكەتتى اشىپ تەكسەرۋ كەزىندە ونىڭ ىشىنەن اقشالاي قاراجات جانە جابىق قوراپشادا زاتتار بار ەكەنى انىقتالدى. سوندىقتان وقيعا ورنىنا پوليتسيا باسقارماسىنىڭ جەدەل توبىن شاقىرتتى. قازىرگى تاڭدا تەرگەۋ امالدارى ءجۇرىپ جاتىر», دەدى ماڭعىستاۋ وبلىستىق سوتىنىڭ ءباسپاسوز حاتشىسى گاۋھار نۇرحانوۆا.
