ونى جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسى مەن اتىراۋ مامانداندىرىلعان تابيعات قورعاۋ پروكۋراتۋراسى قىزمەتكەرلەرىنىڭ بىرلەسكەن رەيد كەزىندە انىقتادى. «بەكىرە-2021» بالىق قورعاۋ اكتسياسى اياسىندا كاسپي تەڭىزىنىڭ سولتۇستىك جاعالاۋىن اۋەدەن بارلاۋ ءۇشىن بىرلەسكەن رەيدكە تىكۇشاق تارتىلدى.
«رەيد كەزىندە جىلىوي اۋدانىنداعى «تەرەڭ-وزەك» كەن ورنىنا جاقىن جەردە, قامىس قوپاسىنىڭ اراسىنان ۋاقىتشا «قونىس» تابىلعان. وندا بىرنەشە ادامعا ارنالعان توسەك-ورىن جابدىعى, گاز باللونى, ازىق-ت ۇلىكتەر مەن سۋ قورى, قۇرال-سايماندار جيىنتىعى, اۆتوموبيل اككۋمۋلياتورى, فونارلار, قۋاتتاعىش قۇرىلعىلار, راتسيا مەن ءبىر ۇڭعىلى مىلتىق بولعان. ۋاقىتشا «قونىستىڭ» جانىندا جول تالعاماي جۇرۋگە لايىقتالعان 2 كولىك تۇرعان. سۋ جاعاسىندا 3 رەزەڭكە قايىق بايلانعان. سونداي-اق, 7 قاپقا قىتايلىق اۋ سالىنعان» دەپ حابارلادى بالىق شارۋاشىلىعى كوميتەتىنىڭ ءباسپاسوز قىزمەتى.
كاسپي جاعاسىنان تابىلعان كولىكتىڭ ءبىرى, سونداي-اق, رەزەڭكە قايىقتار مەن بالىق اۋلاۋ قۇرالدارى سالىنعان سومكەلەر اتىراۋ قالاسىنا جەتكىزىلدى.
