اقپاراتقا سايكەس, مەتالل توسقاۋىل قورشاۋلارىن, كوپىر جانە جول توپتارىن ءوندىرۋ بويىنشا زاۋىتتىڭ قۇرىلىسى 1,5 ملرد تەڭگەگە باعالانىپ وتىر.
– تەحنيكالىق-ەكونوميكالىق نەگىزدەمە دايىندالدى, ال جوبالىق-سمەتالىق قۇجاتتاما ازىرلەنۋ ساتىسىندا, – دەپ حابارلانادى.
زاۋىتتىڭ قۋاتتىلىعى جىلىنا 12 مىڭ توننا جول قورشاۋىن جانە 15 مىڭ توننا ىستىق مىرىشتاۋ ونىمدەرىن قۇرايدى دەپ كۇتىلۋدە. جوبانى ىسكە قوسۋ ەسەبىنەن 25 جاڭا جۇمىس ورنىن قۇرۋ جوسپارلانۋدا.
ايتا كەتەيىك, يندۋستريالىق ايماقتا 81 ملرد تەڭگەنىڭ 29 جوباسى جۇزەگە اسىرىلماق. جاڭا وندىرىستىك قۋاتتاردىڭ اشىلۋى 2025 جىلعا دەيىن 3,3 مىڭ قازاقستاندىقتى جۇمىسپەن قامتاماسىز ەتۋگە مۇمكىندىك بەرەدى.
