ايماقتار • 01 ماۋسىم، 2021

سولتۇستىك قازاقستاندا جاپپاي ءبىر اۋىل ۋلانىپ، اۋرۋحاناعا ءتۇستى

2202 رەت كورسەتىلدى

بەسكول اۋىلى تۇرعىندارىنىڭ ايتۋىنشا، اۋىرىپ جاتقاندار كوپ. كەيبىرى وزدىگىنەن ەمدەلىپ جاتىر. اۋرۋ بەلگىلەرى استان ۋلانۋعا ۇقساس، دەنە قىزۋى كوتەرىلىپ، السىرەپ، قۇسادى، دەپ حابارلايدى Egemen.kz قازاقپاراتقا سىلتەمە جاساپ.

سولتۇستىك قازاقستان وبلىسى بەسكول اۋىلىندا 3-4 كۇن ىشىندە 100-دەن استام تۇرعىن دارىگەر كومەگىنە جۇگىنگەن. بارلىعىندا اۋرۋ بەلگىلەرى بىردەي.

«بالالاردىڭ نەمەن اۋىرىپ جاتقانىن بىلمەيمىن. ۇيدە قىزىم ەكەۋىمىز قالعان ەدىك، ەندى قىزىم دا اۋىرىپ قالدى. جاعدايى ناشارلاسا جەدەل جاردەم قىزمەتىن شاقىرامىن»، دەيدى بەسكول تۇرعىنى. 

سانيتاريالىق-ەپيدەميالىق باقىلاۋ باسقارماسىنىڭ ماماندارى اۋىز سۋدىڭ سىناماسىن الدى. الايدا ازىرگە ناتيجەسى دايىن ەمەس.

«28 مامىردان اۋداندىق اۋرۋحاناعا قۇسۋ، ديارەيا، دەنە قىزۋىنىڭ كوتەرىلۋىنە شاعىمدانعان ادامدار كوبەيدى. دارىگەرلەر 78 بالا مەن 36 ەرەسەك ادامدى قابىلدادى. ولارعا ەنتەروۆيرۋستىق ينفەكتسيا دياگنوزى قويىلدى. 10 ناۋقاس اۋرۋحاناعا جاتقىزىلدى. اۋداندا شۇعىل تۇردە پروۆيزورلىق ورىندار اشىلدى»، دەيدى قىزىلجار اۋداندىق اۋرۋحانا باس دارىگەرىنىڭ مىندەتىن اتقارۋشى جانار كاكىموۆا.

بەسكول اۋىلىندا تۇرعىنداردىڭ جاپپاي اۋىرۋىنا قاتىستى وبلىستىق پروكۋراتۋرا قىلمىستىق ءىس قوزعادى. وسى دەرەككە قاتىستى ارنايى جۇمىس توبى قۇرىلىپ، ءىستىڭ ءمان-جايى انىقتالىپ جاتىر.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار