كوپشىلىكتىڭ قۋانىشىنا نۇرسۇلتان نازارباەۆ قورىنىڭ ديرەكتورى, پارلامەنت ءماجىلىسىنىڭ دەپۋتاتى, «قازاقستان ايەلدەرى كۇشتەرىنىڭ اليانسى» قامقورشىلىق كەڭەسىنىڭ توراعاسى داريعا نازارباەۆا ورتاقتاستى.
«الەم» بالالاردى وڭالتۋ ورتالىعىنا بمس دياگنوزى بار جانە تىرەك-قيمىل جۇيەسى بۇزىلعان بالالار بارادى. بۇگىندە ورتالىقتىڭ جالپى اۋدانى 4 مىڭ شارشى مەتردى قۇرايدى. ورتالىق 100 بالانى قابىلداي الادى. وسى ۋاقىتقا دەيىن 40 بالا قابىلداعانىن ايتا كەتۋ كەرەك.
2 جاستان 18 جاسقا دەيىنگى بالالار ءۇشىن فەلدشەر, ەمدەۋ-دەنە شىنىقتىرۋ, لوگوپەد كابينەتتەرى جۇمىس ىستەيدى. سونداي-اق وڭالتۋدىڭ جاڭا ءتۇرى قاراستىرىلعان. بۇل – يپوتەراپيا, ياعني اتقا ءمىنۋ. مۇندا 18 بەن 29 جاس ارالىعىنداعى مۇمكىندىگى شەكتەۋلى جاندارعا ارنالعان ترەناجەر زالى, ماسساج كابينەتى, پسيحولوگ جانە گيدروماسساج كابينەتى جۇمىس ىستەيدى. سونىمەن قاتار ورتالىقتا اسحانا, كونتسەرت زالى جانە باسسەين بار. بالالار كۇن سايىن «الەم» ورتالىعىنا تەگىن جەتكىزىلەدى.
