SpaceX كومپانياسى وسى جىلدىڭ باسىندا ەكى مۇناي بۇرعىلاۋ قوندىرعىلارىن ساتىپ الدى. ولاردى مارستاعى ەكى ايدىڭ قۇرمەتىنە دەيموس جانە فوبوس دەپ اتالدى. ەندى عارىش كومپانياسى ولاردى وزگەرمەلى عارىش ايلاعىنا اينالدىرۋدى جوسپارلاپ وتىر.
SpaceX-ءتىڭ باس ديرەكتورى يلون ماسكتىڭ ايتۋىنشا, جاڭارتىلعان ەكى مۇناي قوندىرعىسىنىڭ ءبىرى دەيموس عارىش ايلاعى كەلەسى جىلى ىسكە قوسىلۋعا دايىن. بۇرعىلاۋ قوندىرعىلارى اقش-تىڭ تەحاس شتاتىنداعى بوكا چيكاداعى Starship زەرتتەۋ ورتالىعىنىڭ جانىندا ورنالاسقان.
پلاتفورمالار بولاشاق Starship زىمىرانىن ۇشىرۋ جانە قونۋ الاڭدارى رەتىندە جۇمىس ىستەيتىن بولادى. 8500 جانە 8501 مۇنارالارى بۇعان دەيىن اقش-تىڭ Valaris كومپانياسىنا تيەسىلى بولعان, اتالعان كومپانيا وتكەن جىلدىڭ تامىز ايىندا بانكروتقا ۇشىراپ, جۇمىسىن توقتاتقان.
سونداي-اق ەكى عارىش مۇناراسى ماسكتىڭ كومپانياسىنا 3,5 ميلليون دوللار شىعىن كەلتىردى. ينجەنەرلەردىڭ ايتۋى بويىنشا, بۇل پلاتفورمالار گيپەرزەرستۆولىق ساياحاتقا ارنالعان نۇكتەلەر جەلىسىنىڭ نەگىزگى تۇيىندەرى رەتىندە دە قىزمەت ەتەدى. مىسالى, ولاردىڭ كومەگىمەن بەيجىڭنەن نيۋ-يورككە 30 مينۋتتا جەتۋگە بولادى.
ازىرگە SpaceX وربيتالىق ۇشۋ نەگىزىندە Starship پەن Super Heavy زىمىران كۇشەيتكىشىن سىناۋعا دايىندىق جۇرگىزىپ جاتىر.
