«وبلىس ءۇشىن ماڭىزدى نىسان – سارىاعاش قالاسىنداعى ورتالىق اۋداندىق اۋرۋحانا جانىنان 240 توسەك-ورىنعا ارنالعان پەريناتالدى ورتالىق قۇرىلىسى. جىل سايىن سارىاعاش اۋدانىندا وبلىس بويىنشا تۋدىڭ ەڭ جوعارى كورسەتكىشى تىركەلەدى. 2020 جىلعى كورسەتكىش 1 مىڭ تۇرعىنعا 31,9-دى قۇرادى. سارىاعاش اۋدانىندا پەريناتالدى ورتالىق اشۋ كەلەس, جەتىساي, ماقتاارال جانە شاردارا اۋداندارىنىڭ جۇكتى ايەلدەرىنە بىلىكتى مەديتسينالىق كومەك كورسەتۋگە مۇمكىندىك بەرەدى», دەدى الەكسەي تسوي.
ونىڭ اتاپ وتۋىنشە, اتالعان اۋدانداردا 723 926 ادام تۇرادى. بۇل - وبلىس تۇرعىندارى جالپى سانىنىڭ 35 پايىزى.
«سونىمەن قاتار ارىس جانە سارىاعاش قالالارىندا ءبىر اۋىسىمدا 500 كەلۋشىگە ارنالعان 2 ۇلگىلىك ەمحانا سالۋ جوسپارلانىپ وتىر», دەدى مينيستر.
