ورتالىق جىلۋ جۇيەسىنە قوسىلماعان كوپ قاباتتى ۇيلەردىڭ ماسەلەسىن كەشەندى تۇردە شەشۋ ءۇشىن وبلىستا ارنايى باعدارلاما ازىرلەنگەن بولاتىن. سونىڭ شەڭبەرىندە ەڭبەكشىقازاق اۋدانىندا دا بۇل ءىس قولعا الىندى.
اۋدان اكىمدىگىنىڭ مالىمەتىنە قاراعاندا بلوكتى-ءمودۋلدى قازاندىقتار ورناتۋ ارقىلى 9 مىڭعا جۋىق ادام تۇراتىن 80 كوپ پاتەرلى ءۇي ورتالىق جىلۋ جۇيەسىمەن قامتىلماق. سول سياقتى قازاندىقتىڭ كومەگىمەن تۇرعىندار جىل بويى ىستىق سۋدى دا ۇزدىكسىز پايدالانا الادى.
اۋدان اكىمى الىبەك جاقانباەۆ «Jetysu Energy» مەردىگەر ۇيىمىمەن كەزدەسىپ, قۇرىلىس جۇمىستارى تۋرالى ەگجەي-تەگجەيلى تالقىلادى. كەزدەسۋدە قازاندىق ورناتۋ جۇمىستارى بيىلعى جىلدىڭ شىلدە ايىندا باستالىپ, جىلىتۋ ماۋسىمى باستالعانعا دەيىن اياقتالاتىنى ايتىلدى. قۇرىلىس كەزىندە 21 نىساندا 400-دەن استام ادام جۇمىس ىستەيدى دەپ مەجەلەنگەن.
ءار قازاندىقتىڭ قۋاتتىلىعى 200-دەن 1200 كۆت دەيىن بولماق. بۇل ءوز كەزەگىندە كوممۋنالدىق قىزمەت شىعىندارىن ەداۋىر تومەندەتىپ, جىلۋ بەرۋدى سەنىمدى جانە ساپالى اتقارۋعا مۇمكىندىك بەرەدى دەيدى ماماندار.
اتاپ وتسەك, جالپى الماتى وبلىسىندا 2022 جىلدىڭ سوڭىنا دەيىن 275 كوپ پاتەرلى تۇرعىن ءۇي ءۇشىن 54 بمق ورناتىلىپ, بۇل ۇيلەر گازبەن جىلىتۋعا كوشىرىلەدى دەپ جوسپارلانعان.
