يگى ءىس اكادەميك ە.بوكەتوۆ اتىنداعى قارمۋ-دىڭ تاريح فاكۋلتەتى ارحەولوگتەرى, «سارىارقا» ارحەولوگيالىق ينستيتۋتىنىڭ عالىمدارى مەن ماماندارى, «ارحەولوگيالىق زەرتتەۋلەر» جشس جانە باسقا دا ۇيىم وكىلدەرىنىڭ قاتىسۋىمەن وتكەن ءباسپاسوز ءماسليحاتى بارىسىندا جۇزەگە اسىرىلدى.
«سارىارقا» ارحەولوگيالىق ينستيتۋتىنىڭ جەتەكشى عىلىمي قىزمەتكەرى يگور كۋكۋشكين بارلىق جادىگەردىڭ تالدى ارحەولوگيالىق قورىعىنان الىنعانىن جانە ولاردىڭ باسىم بولىگى سول ماڭداعى اقكەزەڭ مەن ابىلاي ەلدى مەكەندەرىنەن تابىلعانىن ايتادى.
– جادىگەرلەردىڭ ىشىندە بىلەزىكتەر, قولا مونشاقتار, تۇتاس القالار, مويىنتۇمارلار تۇرىندەگى ايەلدەردىڭ اشەكەيلەرى, سونىمەن بىرگە ارنايى جاپسىرمالاردىڭ كومەگىمەن جاق-بەت القاسىنا بىرىكتىرىلگەن قولا جالدار مەن ايىلباستار بار. ادەتتە مۇنداي مويىنتۇمارلار توعىز دوڭگەلەك قولا ايىلباستاردان تۇرادى. اشەكەيدىڭ ورتاسىندا ۇلكەنىرەگى ورنالاستىرىلادى جانە ولاردىڭ ءبارى بىردەي ويۋ-ورنەكتەرمەن بەزەندىرىلگەن. ەكسپوناتتاردىڭ بارلىعى مۋزەي قورىنا تاپسىرىلدى, بولاشاقتا ولاردى كورمەلەردەن كورۋگە بولادى, – دەيدى ي.كۋكۋشكين.
قاراعاندى
