دۇنيەجۇزىلىك رەيتينگتە 93-ورىندا تۇرعان ز.دياس العاشقى اينالىمدا الەمنىڭ 71-راكەتكاسى, ۇلىبريتانيالىق حيتەر ۋوتسونمەن كورتقا شىقتى.
قارسىلاستار بۇعان دەيىن ءوزارا ەكى مارتە كەزدەسىپ, ءبىر-بىردەن جەڭىسكە جەتكەن. ءبىرىنشى پارتيادا زارينا باسىمدىلىق تانىتتى – 6:4. ەكىنشى سەتتە ح.ۋوتسون العا كەتتى – 3:1. دەگەنمەن قازاقستاندىق تەننيسشى تارازى باسىن تەڭەستىرە ءبىلدى – 4:4. اقىرى ماتچتى تاعى ءبىر برەيكپەن تۇيىندەدى – 7:5. تارتىستى باسەكە 1 ساعات 53 مينۋتقا سوزىلدى. ز.دياس ەكىنشى اينالىمدا الەمنىڭ 15-راكەتكاسى, بەلگيالىق ەليزا مەرتەنس نەمەسە رەيتينگتە 161-ساتىداعى, نەگىزگى دوداعا ىرىكتەۋ سايىستارىنان كەيىن قوسىلعان اۋستراليالىق ستورم ساندەرستىڭ بىرەۋىمەن شەبەرلىك بايقاسادى.
وتكەن جىلى فرانتسيا اشىق چەمپيوناتىندا زارينا تۋنيس وكىلى ونس جابەرگە 6:4, 3:6, 1:6 ەسەبىمەن ەسە جىبەرىپ, العاشقى اينالىمنان اسا الماعان ەدى.
بيىل و.جابەر تاعى ءبىر قازاقستاندىق يۋليا پۋتينتسەۆامەن كۇش سىناسادى.
ەسكە سالا كەتەيىك, بۇدان بۇرىن ەلەنا رىباكينانىڭ رولان گارروس ءتۋرنيرىن جەڭىسپەن باستاعانىن, جىبەك قۇلامباەۆانىڭ شىمكەنتتەگى ءتۋرنيردىڭ چەمپيونى اتانعانىن جازعان بولاتىنبىز.
سونداي-اق زاڭعار نۇرلان ۇلى ماجارستاندا وتكەن ءتۋرنيردىڭ جەڭىمپازى اتاندى. م.كۋكۋشكين رولان گارروس ءتۋرنيرىنىڭ العاشقى اينالىمىنان اسا المادى.
