اتالعان فاكتى بويىنشا پروكۋراتۋرا سوتقا دەيىنگى تەرگەۋدى باستادى. ونىڭ ناتيجەلەرى بويىنشا 50-دەن استام ءتۇرلى مورلەردى قولدانىپ, قالانىڭ بەس مەديتسينالىق مەكەمەسىنىڭ اتىنان رەسمي قۇجاتتاردى جاساعان گ. ەسىمدى ازامات انىقتالدى.
«قوستاناي قالاسىنىڭ № 2 سوتىنىڭ 2021 جىلعى 25 اقپانداعى زاڭدى كۇشىنە ەنگەن شەشىمىمەن ازامات گ. قىلمىستىق كودەكستىڭ 385-بابى 1-بولىگىمەن كوزدەلگەن قىلمىستى جاساعانى ءۇشىن كىنالى دەپ تانىلدى (جالعان قۇجاتتاردى, ءمورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ). وعان 1 جىلعا باس بوستاندىعىن شەكتەۋ جازاسى تاعايىندالدى, سونىمەن قاتار ول 100 ساعاتتىق ءماجبۇرلى ەڭبەككە تارتىلدى», دەلىنگەن پروكۋراتۋرا تاراتقان حابارلامادا.
سونىمەن قاتار قالا پروكۋراتۋراسى جالعان قۇجاتتاردى دايىنداعان جانە ساتقان ادامدار عانا ەمەس, ولاردى قولداناتىندار دا قىلمىستىق جاۋاپكەرشىلىككە تارتىلاتىندىعى تۋرالى ەسكەرتەدى.
