جۇزدەسۋ كەزىندە تەمىرلان ولجاباي مەن ەرنات ناۋرىز بايقاۋدىڭ اقتىق كەزەڭىنە دايىندىق بارىسى قالاي جۇرگەنى جايىندا ايتىپ, شىعارماشىلىق جوسپارىمەن ءبولىستى.
مينيستر Golden Time Talent حالىقارالىق فەستيۆالىنىڭ جەڭىمپازدارى ەلىمىزدىڭ توكيو وليمپياداسىنداعى مادەنيەت بويىنشا امباسسادورى اتانعانىن حابارلادى. سونىمەن قاتار مينيسترلىك مۋزىكادا وزىندىك جولىن قالىپتاستىرىپ كەلە جاتقان جاس دۋەتتى قولداۋعا دايىن ەكەنىن اتاپ ءوتتى.
ء«بىز ونلاين فورماتتا تاپجىلماي تاماشالاعان گران-فينالداعى سىزدەردىڭ جارقىن باعدارلامالارىڭىز كورەرمەننىڭ جۇرەك قىلىن شەرتىپ, ەرەكشە اسەر سىيلادى. تانىمال كومپوزيتور انتونيو ءۆيۆالديدىڭ باروككو ستيلىندەگى شوقتىعى بيىك «جىل مەزگىلدەرى» توپتاماسىنداعى «جاز» شىعارماسىن وڭدەپ, قوڭىر دومبىرامەن ورىنداپ, حالقىمىزدىڭ كيەلى اسپابىن دارىپتەپ كەلەسىزدەر. سىزدەردىڭ مۋزىكاعا دەگەن قۇشتارلىقتارىڭىز بەن تاپقىرلىقتارىڭىزدىڭ ايقىن ايعاعى بولعان وسى جۇلدە الەمدىك دەڭگەيدەگى تولايىم تابىستاردىڭ باستاۋى بولسىن.
الداعى ۋاقىتتا دا ەلىمىزدىڭ رۋحاني-مادەني سالاسىن بايىتۋ جولىنداعى ەسەلى ەڭبەكتەرىڭىزدىڭ جەمىستى بولۋىنا تىلەكتەسپىن», دەدى اقتوتى رايىمقۇلوۆا.
سونداي-اق مəدەنيەت جəنە سپورت ءمينيسترى قازاق ۇلتتىق ونەر ۋنيۆەرسيتەتىن تامامداعان قوس ونەرپازعا شىعارماشىلىق شابىت, تولايىم تابىس تىلەدى.
