بۇل تۋرالى وبلىستىق توتەنشە جاعدايلار دەپارتامەنتىنىڭ باستىعى نۇرعالي ءجۇنىسوۆ حابارلادى. وگەم تاۋى وزەنىنىڭ جاعاسىندا دا ىزدەۋ جۇمىستارى ءجۇرىپ جاتىر. قۇتقارۋشىلار تاۋدا تۇنەيدى. تىكۇشاق ۇلتتىق پارك ايماعىن تۇگەل اينالىپ ءوتتى. اۋا رايىنىڭ قولايسىزدىعىنا قاراماستان, پوليتسيا, قۇتقارۋشىلار, شەكاراشىلار پارك قىزمەتكەرلەرى جوعالعان ەكى ءتۋريستتى ءتىرى دەپ ۇمىتتەنىپ, ىزدەۋدى توقتاتپايدى
«قازىرگى تاڭدا 2 بالادان ەشقانداي حابار جوق. كەشەلى بەرى ساعات 21:00-گە دەيىن جاياۋ ىزدەستىرۋ جۇمىستارى جۇرگىزىلدى. وزبەكستان رەسپۋبليكاسىنىڭ اۋماعىنا دەيىن تەكسەرۋ جۇمىستارى جۇرگىزىلدى. تەكسەرۋ كۇنى ءبىز وزبەكستان رەسپۋبليكاسىنىڭ تجم-دەگى ارىپتەستەرىمىزگە شىعىپ, ول ارىپتەستەرىمىز سول وگەم وزەنىن وزدەرىنىڭ اۋماعىندا ورنالاسقان تەلىمىن قازاقستاننان ءارى قاراي شارباق سۋ قويماسىنا دەيىن ولاردىڭ قۇتقارۋشىلارى ىزدەستىرۋ جۇمىستارىن جالعاستىردى», دەدى وبلىستىق توتەنشە جاعدايلار دەپارتامەنتىنىڭ باستىعى نۇرعالي ءجۇنىسوۆ.
