ول وسى ۋاقىتقا دەيىن حولدينگتىڭ ەنشىلەس ۇيىمى «قازاقستاننىڭ تۇرعىن ءۇي كومپانياسى« اق-نى باسقارعان.
ءا.مۇحامەدجانوۆ تاۋەكەل مەنەدجمەنتىن دامىتۋ, كورپوراتيۆتىك دامىتۋ, ستراتەگيا, تالداۋ جانە زەرتتەۋ ماسەلەلەرىنە جەتەكشىلىك ەتەدى.
ءادىل بەكتاس ۇلى 1981 جىلى تۋعان. 2002 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىندە «حالىقارالىق ەكونوميست» بىلىكتىلىگىمەن, «حالىقارالىق ەكونوميكالىق قاتىناستار» ماماندىعىن العان. 2003 جىلى نوتتينگەم ۋنيۆەرسيتەتىندە ( ۇلىبريتانيا) «قارجى جانە مەنەدجمەنت» ماماندىعىن بىتىرگەن. 2018 جىلى چيكاگو ۋنيۆەرسيتەتى جانىنداعى بۋتا اتىنداعى بيزنەس مەكتەبىندە ەمۆا دارەجەسىن العان.
ەڭبەك جولىن 2003 جىلدىڭ قازان ايىندا «كازترانسويل» جابىق اكتسيونەرلىك قوعامىندا جوبالاردى باسقارۋ دەپارتامەنتىنىڭ مامانى بولىپ باستادى.
2004 جىلدىڭ ناۋرىز ايى مەن 2016 جىلدىڭ ناۋرىز ايى ارالىعىندا «Caspian Energy Inc» PLS كانادا, تورونتو قالاسىندا, «ارال پەتروليۋم كەپيتال» جابىق اكتسيونەرلىك قوعامىندا قارجى مەنەدجەرى, ۆيتسە-پرەزيدەنت لاۋازىمدارىندا جۇمىس ىستەدى, سونداي-اق اتالعان كومپانيانىڭ ديرەكتورلار كەڭەسىنىڭ مۇشەسى بولدى.
2010 جىلدىڭ قىركۇيەگىنەن 2011 جىلدىڭ جەلتوقسانىنا دەيىن «وتان» اشىق جيناقتاۋشى زەينەتاقى قورى» اكتسيونەرلىك قوعامىنىڭ باسقارما توراعاسى.
2008 جىلدىڭ مامىر ايىنان 2016 جىلدىڭ مامىر ايىنا دەيىن «ازياكرەديتبانك» اكتسيونەرلىك قوعامىنىڭ ديرەكتورلار كەڭەسىنىڭ مۇشەسى.
2016 جىلدىڭ قىركۇيەك ايىنان 2021 جىلدىڭ مامىر ايىنا دەيىن «قازاقستان تۇرعىن ءۇي كومپانياسى» اق باسقارما توراعاسى قىزمەتىن اتقاردى.
