«دوستار, مەن قر ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعىنىڭ ديرەكتورى قىزمەتىنەن ءوز ەركىممەن كەتۋ تۋرالى شەشىم قابىلدادىم. 7 جىل بويى مەن مەملەكەتكە قىزمەت ەتتىم. ءوزىمدى باسقا سالالاردا سىناپ كورۋدىڭ ۋاقىتى كەلدى. دوستار, تۇراقتى قولداۋلارىڭىزعا وتە ريزامىن, سونىڭ ارقاسىندا كوپ نارسە اتقارىلدى. ايتىلعان سىندارعا قاراماستان, ماعان زور سەنىم بىلدىرگەن ءبىلىم جانە عىلىم مينيسترىنە بولەك العىس ايتامىن! مەن ءوزىمنىڭ بارلىق ءبىلىمىم مەن قابىلەتىمدى حالىققا ادال قىزمەت ەتۋگە جانە ءسىزدى ۇياتقا قالدىرماۋ ءۇشىن ورتالىقتىڭ يگىلىگىنە باعىتتاۋعا تىرىستىم. ءبىلىم بەرۋ سالاسىنداعى ۇسىنىلعان باسقا دا جاۋاپتى باسشىلىق لاۋازىمدارعا ەرەكشە ريزامىن. بىراق, مەن قىزمەت سالاسىن ءسال وزگەرتۋ كەرەك دەپ شەشتىم», دەگەن ديدار سماعۇلوۆ قىزمەتتەن كەتكەنىمەن, ۇبت-عا قاتىستى جۇمىستارمەن ءالى قوشتاسپايتىنىن جەتكىزدى.
ايتۋىنشا, بۇدان بىلاي ءمينيستردىڭ سىبايلاس جەمقورلىققا قارسى ءىس-قيمىل ماسەلەلەرى جونىندەگى شتاتتان تىس كەڭەسشىسى لاۋازىمىن قوسىمشا الىپ جۇرمەك.
«دوستار, ۇبت-نى بىرلەسىپ ادال باسەكە الاڭىنا اينالدىرايىق», دەپ جازدى ديدار سماعۇلوۆ.
