بۇگىنگى كۇنى ول ەلوردانىڭ الەۋمەتتىك جانە مادەني نىساندارىن بايلانىستىراتىن نەگىزگى كولىك توراپتارىنىڭ ءبىرى. بۇل جەلىمەن ۇلكەن سۇرانىسقا يە 5 باعدار وتەدى: №40, 50, 51, 53, 61. ءوز كەزەگىندە, اۆتوبۋس جەلىسىن ەنگىزۋ جول ءجۇرۋ ۋاقىتىن 8 مينۋتقا قىسقارتادى. ناقتىراق ايتساق, اۆتوبۋس «Bus Lane» ارنايى بولىنگەن جولاقپەن ەكى باعىتتا ءجۇرىپ وتكەن كەزدە جول ءجۇرۋ ۋاقىتى 20 مينۋتتى, جولاقسىز 28 مينۋتتى قۇرايدى.
26 مامىردا قابانباي باتىر داڭعىلىندا «Bus Lane» اۆتوبۋس جەلىسى ىسكە قوسىلدى. بولىنگەن جولاق «ازيا پارك» سوو باعىتىندا اينالما جول ايرىعىنان ءبىر جاققا ەنگىزىلدى. بۇل ۇلكەن سۇرانىسقا يە 15 باعداردىڭ قوزعالىسىنا باسىمدىق بەردى: №10, 12, 37, 51, 303 جانە ت.ب. كۇن سايىن وسى باعىتتارمەن 40 مىڭ جولاۋشى جۇرەدى.
قوعامدىق كولىكتەن بولەك, «Bus Lane» ارقىلى جەدەل جاردەم مەن ءورت ءسوندىرۋ تەحنيكاسى قوزعالا الادى. مىسالى, مامىر ايىنىڭ باسىنان باستاپ زياتكەرلىك كولىك جۇيەسى جانە بولىنگەن جولاقپەن ءجۇرۋ ارقىلى جەدەل جاردەم رەانيموبيلدەرىنە 69 رەت كولىك ءدالىزى جاسالىپ, جولدان جىلدام وتكىزىلدى. بۇل ولاردىڭ ناۋقاسقا جەتۋ ۋاقىتىن ەداۋىر قىسقارتتى.
ايتا كەتەيىك, قازىرگى ۋاقىتتا «Bus Lane» جوباسى ۇزىندىعى 56,2 كم بولاتىن 22 جول بولىگىندە جۇزەگە اسىرىلدى. ارنايى جولاقتاردى ەنگىزۋ ەسەبىنەن باعىتتىق جەلىنىڭ 14%-ىن قامتيتىن كولىك جولى قالىپتاستىرىلدى.
