«ەكونوميكالىق دامۋدىڭ ءاربىر كەزەڭى سالىق ساياساتىنىڭ تاسىلدەرىن جەتىلدىرۋدى جانە قايتا قاراۋدى تالاپ ەتەدى. سالىق كودەكسىنە ونى جەڭىلدەتۋ تۇرعىسىنان تەكسەرۋ جۇرگىزۋ قاجەت», - دەدى ولگا پەرەپەچينا.
سەناتور ولگا پەرەپەچينا قازىر «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى «قازاقستان رەسپۋبليكاسىنىڭ كودەكسىنە وزگەرىستەر مەن تولىقتىرۋلار ەنگىزۋ تۋرالى»جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى «قازاقستان رەسپۋبليكاسىنىڭ كودەكسىن قولدانىسقا ەنگىزۋ تۋرالى» زاڭ جوباسى ازىرلەنگەنىن اتاپ ءوتتى.
دەپۋتاتتار بۇعان دەيىن ۇكىمەتكە سالىقتىق اكىمشىلەندىرۋدى تۇبەگەيلى وڭايلاتۋ جانە جەڭىلدەتۋ بويىنشا ۇسىنىستار ازىرلەۋ تاپسىرىلعانىن اتاپ ءوتتى. وسىعان بايلانىستى, كەزدەسۋگە قاتىسۋشىلار سالىق-بيۋدجەت ساياساتىن جەتىلدىرۋ جونىندەگى ۇسىنىستاردى تالقىلادى. اتاپ ايتقاندا, بىرىڭعاي سالىقتار مەن تولەمدەر, تەگىن ءموبيلدى قوسىمشا ارقىلى جك ءۇشىن سالىق مىندەتتەمەلەرىن تىركەۋ مەن ورىنداۋدى جەڭىلدەتۋ, شىعىس وپەراتسيالارىنىڭ شەكتەۋلەرىن جانە قويىلعان ينكاسسالىق وكىمدەردى جىلدام الىپ تاستاۋ بويىنشا ەرەجەنى ەنگىزۋ تۋرالى ءسوز بولدى.
سونىمەن قاتار, مينيسترلىكتەر وكىلدەرى سالىق تولەۋشىلەردىڭ پروبلەمالارىن شەشۋ تۋرالى ەسەپ بەردى. قارجى ءمينيسترىءنىڭ ورىنباسارى مارات سۇلتانعازيەۆ «سالىق تولەۋشى كابينەتى»ەلەكتروندىق جۇيەسىنىڭ جۇمىس ىستەۋ قابىلەتىن جاقسارتۋ ءۇشىن جابدىقتار جاڭارتىلعانىن جانە ول ءبىر مەزگىلدە جۇمىس ىستەيتىن پايدالانۋشىلار سانىن 10 مىڭنان 150 مىڭ ادامعا دەيىن ۇلعايتۋعا مۇمكىندىك بەرگەنىن ايتتى.
سەناتتىڭ سالالىق كوميتەتىنىڭ ءتورايىمى ولگا پەرەپەچينا كەزدەسۋ قورىتىندىسى بويىنشا وتكەن شارانىڭ جانە قاتىسۋشىلار بەرگەن ماتەريالداردى تالداۋ نەگىزىندە زاڭ جوبالارىنا قوسىمشا ۇسىنىستار ازىرلەۋگە مۇمكىندىك قارالاتىنىن اتاپ ءوتتى.
