ء«سىز مينيستر بولىپ تاعايىندالعاندا, جىلى لەبىز ءبىلدىرىپ, ەلجان بىرتانوۆقا دەنساۋلىق تىلەدىڭىز. قازىر ول قىلمىستىق ىسكە قاتىسى بار دەپ ايىپتالىپ وتىر. قازىرگى قارىم-قاتىناستارىڭىز قانداي؟», دەگەن ءجۋرناليستىڭ سۇراعىنا تسوي جاۋاپ بەردى.
«قانداي جاعدايدا دا ءبىز ارىپتەسپىز. بىرنەشە جىل بىرگە جۇمىس ىستەدىك. مەن ونىڭ باسشىلىعىمەن ۆيتسە-مينيستر بولىپ جۇمىس ىستەدىم. ارينە, ونى جاقسى بىلەمىن. قىلمىستىق ىسكە قاتىسى بار ەكەنى ايتىلعانعا دەيىن ونىمەن سويلەسىپ تۇراتىنبىز. قازىر اركىمنىڭ ءوز باعىتى بولۋىنا بايلانىستى ارامىزدا ەشقانداي قارىم-قاتىناس جوق. بىزدە ەشقانداي تۇسىنىسپەۋشىلىك جوق. ارىپتەستەرمىز», دەپ جاۋاپ بەردى الەكسەي تسوي.
ايتا كەتەيىك, سوتتا پروكۋرور تولەگەن جاراسپاەۆ ەلجان ءبىرتانوۆ پەن بۇرىنعى دەنساۋلىق ساقتاۋ ۆيتسە-ءمينيسترى ولجاس ابىشەۆكە اسا ءىرى كولەمدە - 1,5 ميلليارد تەڭگە نەمەسە 4,1 ميلليون دوللار سوماسىندا مەملەكەتكە ماتەريالدىق زالال كەلتىردى دەگەن ايىپ تاققان بولاتىن.
6 مامىردا ەلجان ءبىرتانوۆتىڭ ۇيقاماقتاعى مەرزىمى 2021 جىلدىڭ 14 ماۋسىمىنا دەيىن ۇزارتىلدى.
