قۇرلىق اسكەرلەرىندە وقۋ كەزەڭىندەگى بەس ايدا شۇعىل جانە جاۋىنگەرلىك دايارلىق بويىنشا 1000-نان استام شارا وتكىزىلدى. ونىڭ ىشىندە ماڭىزدىلارى: ەكى جاقتى بريگادالىق تاكتيكالىق وقۋ-جاتتىعۋلار, باسقارۋ ورگاندارىمەن كوپ ساتىلى كوماندالىق-شتابتىق وقۋ-جاتتىعۋلار, «التىن جەبە-2021» ارنايى وپەراتسيالار كۇشتەرىنىڭ كومپونەنتتەرىن تەكسەرۋ بولدى. سونىمەن قاتار جەكە قۇرام «قالقان-2021» جەدەل-تاكتيكالىق وقۋ-جاتتىعۋىنا قاتىستى.
– قۇرلىق اسكەرلەرى اسكەري قىزمەتشىلەرىنىڭ كاسىبي شەبەرلىگى ارتقانىن بايقادىق. جەكە قۇرام قىسقى وقۋ كەزەڭىنىڭ قورىتىندىسى بويىنشا جوعارى ءتارتىپ پەن اسكەري بورىشتىڭ ۇلگىلى ورىندالۋىن كورسەتە ءبىلدى, – دەپ اتاپ ءوتتى قر قك قۇرلىق اسكەرلەرىنىڭ باس قولباسشىسى گەنەرال-مايور تالعات قويباقوۆ.
جارتى جىلدىڭ قورىتىندىسى بويىنشا وڭىرلىك قولباسشىلىقتار مەن اسكەر تەكتەرى اراسىندا «وڭتۇستىك» وڭىرلىك قولباسشىلىعى ۇزدىك دەپ تانىلدى. اسكەري بولىمدەر اراسىندا – 38-ءشى دەسانتتىق-شابۋىلداۋ بريگاداسى دا بار.
