زاڭ جوباسىن تالقىلاۋ بارىسىندا نۇرلان نىعماتۋلين جۋىق ارادا عانا ەۋرازيالىق ەكونوميكالىق وداق شەڭبەرىندە باعالى مەتالدارمەن جانە اسىل تاستارمەن وپەراتسيالاردى جۇزەگە اسىرۋ ەرەكشەلىكتەرى تۋرالى كەلىسىمدى قاراعانىن, سول كەزدە قازاقستاندا ەاەو بويىنشا سەرىكتەستەرىمىزدەن – رەسەي مەن بەلارۋستەن ايىرماشىلىعى باعالى مەتالداردىڭ زاڭسىز اينالىمى سالاسىندا جاسالعان قىلمىستار ءۇشىن «نەگە قىلمىستىق جاۋاپكەرشىلىك جوق؟» دەگەن سۇراق تۋىنداعانىن اتاپ ءوتتى. ناتيجەسىندە, تەك اكىمشىلىك جاۋاپكەرشىلىك قاراستىرىلعانى انىقتالدى.
- بۇل وسى سالاداعى قىلمىستىق بەلسەندىلىكتىڭ كەڭ كولەمدە وسۋىنە اكەلگەنى انىق. ماسەلەن, تەك ستەپنوگورسك وڭىرىندە 2015-2020 جىلدار ارالىعىندا قۇرامىندا التىنى بار زاڭسىز وندىرىلگەن 6 357 توننا شيكىزات تاركىلەندى, - دەدى پالاتا سپيكەرى.
ناتيجەسىندە ن. نىعماتۋلين ەل ەكونوميكاسىنا, ونىڭ ىشىندە سالىقتاردىڭ, بيۋدجەتكە تولەنەتىن باسقا دا مىندەتتى تولەمدەردىڭ تولىق تۇسپەۋى تۇرىندە ەلەۋلى زالال كەلتىرىلگەنىن اتاپ ءوتتى. سونداي-اق وسى زاڭنامالىق تۇزەتۋلەردىڭ ناتيجەسىندە وڭ وزگەرىستەر بولاتىنىنا سەنىم ءبىلدىردى.
تۇتاستاي العاندا, زاڭ جوباسىنىڭ نورمالارى ازاماتتاردىڭ قۇقىقتارىن قورعاۋدى ارتتىرۋعا, پروكۋراتۋرانىڭ قاداعالاۋىن كاسىپكەرلەردىڭ پروبلەمالارىن ءتيىمدى شەشۋگە قايتا باعدارلاۋعا مۇمكىندىك بەرەدى, كاسىپكەرلىكتىڭ ءوز قىزمەتىنە زاڭسىز ارالاسۋدان, بيزنەس سۋبەكتىلەرىن قىلمىستىق قۋدالاۋ اياسىنا تارتۋدان كەپىلدىكتەرىن كۇشەيتەدى, سونداي-اق وسى تۇزەتۋلەر باعالى مەتالداردىڭ زاڭسىز اينالىمىنا قارسى كۇرەستى كۇشەيتۋگە مۇمكىندىك بەرەدى.
