«زاڭ جوباسى اياسىندا مۇگەدەكتىگى بار بالاعا كۇتىم جاساۋ مەرزىمىن 18 جاسقا دەيىن ۇزارتۋ كوزدەلىپ وتىر. بۇل جاسىنا بايلانىستى زەينەتاقى تولەمدەرى مەن بازالىق زەينەتاقىنى تاعايىنداۋعا وڭ اسەرىن تيگىزەدى», دەدى س. شاپكەنوۆ.
وسى ورايدا ول قازىرگى ۋاقىتتا مۇمكىندىگى شەكتەۋلى بالانى كۇتۋ كەزەڭى 16 جاسقا دەيىن ەسكەرىلگەنىن ايتتى.
«سونىمەن قاتار تابىسى از وتباسىلاردىڭ بالالارىن كەپىلدەندىرىلگەن الەۋمەتتىك توپتامامەن قامتاماسىز ەتۋ قاراستىرىلعان. وعان قوسا ارناۋلى الەۋمەتتىك قىزمەتتەردىڭ تيىمدىلىگى جانە اتاۋلىلىعىن ارتتىراتىن وزگە دە قوسىمشا نورمالار كوزدەلگەن», دەدى مينيستر.
بۇدان بۇرىن حابارلانعانداي, قۇجاتتا مۇگەدەكتىگى بار بالانى تاربيەلەپ وتىرعان وتباسىلارعا بالا كامەلەتتىك جاسقا تولعاننان كەيىن دە تۇرعىن ءۇي كەزەگىندە تۇرۋ قۇقىعىن ساقتاۋ قاراستىرىلعان.
