قازىرگى تاڭدا پوليتسەيلەر ارىپتەسىنىڭ بۇل ارەكەتىنە نە سەبەپ بولعانىن انىقتاپ جاتىر.
پوليتسيا مالىمەتى بويىنشا, 24 مامىردا الەۋمەتتىك جەلىلەردە جەلەزين اۋدانىنىڭ اعا تەرگەۋشىسى تابەلدىك قارۋدان وق اتىپ ءوزىن ولتىرگەنى تۋرالى حابارلاما تاراعان.
پاۆلودار وبلىسىنىڭ پوليتسيا دەپارتامەنتى پوليتسەيدىڭ قازا بولعانى تۋرالى اقپاراتتى جوققا شىعاردى.
«جەلەزينكا اۋىلىندا 23 مامىردا ساعات 18.10-دا اۋدان پروكۋراتۋرا عيماراتىنىڭ دالىزىندە جەلەزين اۋدانىنىڭ اعا تەرگەۋشىسى تابەلدىك قارۋدان وڭ يىعىنا وق اتتى. پوليتسيا قىزمەتكەرى اۋرۋحاناعا جاتقىزىلىپ, وتا جاسالدى», دەدى ايماقتىق پوليتسيا دەپارتامەنتى باستىعىنىڭ ورىنباسارى راشاد وتەۋوۆ.
ونىڭ ايتۋىنشا, قىزمەتكەردىڭ دەنساۋلىعىنا قاۋىپ ءتوندىپ تۇرعان جوق, ومىرلىك ماڭىزدى ورگاندارى مەن سۇيەگى زاقىمدانباعان.
«اتالعان دەرەك بويىنشا پاۆلودار وبلىسى پد وزىندىك قاۋىپسىزدىك باسقارماسى قر قك-نىڭ 105-بابى بويىنشا سوتقا دەيىنگى تەرگەۋدى باستادى. وقيعانىڭ ءمان-جايى مەن سەبەپتەرى انىقتالىپ جاتىر», دەدى وتەۋوۆ.
تەرگەۋ جۇرگىزىلىپ جاتقان ء«وزىن-ءوزى ولتىرۋگە دەيىن جەتكىزۋ» بابىنىڭ سانكتسيالارى 3 جىلدان 5 جىلعا دەيىن شەكتەۋ نەمەسە باس بوستاندىعىنان ايىرۋ جازاسىن كوزدەيدى.
