قازىرگى ۋاقىتتا قازاقستان رەسپۋبليكاسىنىڭ مەملەكەتتىك شەكاراسى ارقىلى قۇرلىقتاعى جانە اۆياتسيالىق وتكىزۋ پۋنكتتەرى شتاتتىق رەجيمدە جۇمىس ىستەيدى, 15 مەملەكەتپەن (رەسەي فەدەراتسياسى, بەلارۋس رەسپۋبليكاسى, قىرعىزستان رەسپۋبليكاسى, وزبەكستان رەسپۋبليكاسى, تاجىكستان رەسپۋبليكاسى, كورەيا رەسپۋبليكاسى, ۋكراينا, تۇركيا, ەگيپەت, گەرمانيا, بىرىككەن اراب امىرلىكتەرى, نيدەرلاندى كورولدىگى, گرۋزيا, چەرنوگوريا, شري-لانكا) تۇراقتى اۋە قاتىناسى جاڭارتىلدى.
ۇقك شەكارا قىزمەتى شەتەلدىكتەردى ازاماتتىعى بار ەلگە كەدەرگىسىز قايتارۋ بويىنشا شارالار قابىلداۋدا, كارانتيندىك شەكتەۋلەر كەزەڭىندە, ونىڭ ىشىندە ونلاين فورماتتا ادامداردىڭ ەلدەن شىعۋ ءتارتىبىن ءتۇسىندىرۋ ۇيىمداستىرىلدى.
شەكارا قىزمەتى اكىمشىلىك جاۋاپتىلىققا تارتۋدى بولدىرماۋ ءۇشىن شەتەلدىكتەر مەن ولاردى شاقىراتىن ادامداردى (2021 جىلعى 5 ماۋسىمنان كەيىن كۇشىنە ەنەدى) قازاقستان رەسپۋبليكاسىنىڭ اۋماعىندا ودان ءارى بولۋدى زاڭداستىرۋ قاجەتتىگىن حاباردار ەتەدى.
