سايىس بارىسىندا مەرگەندىگىمەن كوزگە ءتۇسىپ, جەڭىمپاز بولعان ورەنگە «التىن ساقا» سىيلىعىن رەسپۋبليكالىق اسىق اتۋ فەدەراتسياسىنىڭ ۆيتسە-پرەزيدەنتى جومارت سابىرجانوۆ تابىس ەتتى.
اتالعان جارىسقا ەلىمىزدىڭ ءار قيىرىنان جاس شامالارى 13-14-تەگى 50 وقۋشى قاتىسقان بولاتىن. ال قاراعاندى وبلىسىنىڭ نامىسىن التى وقۋشى قورعادى.
«التىن ساقا» يەگەرى نۇرداۋلەت ەسىموۆ اباي اۋدانىنا قاراستى قۇلايعىر اۋىلىنداعى «توپار» جالپى ءبىلىم بەرەتىن مەكتەبىنىڭ 8-ءشى سىنىبىندا وقيدى. اسىق اتۋ سپورتىمەن ول سەگىز جاسىنان بەرى اينالىسادى ەكەن. اتالعان ءبىلىم مەكەمەسىندە دەنە شىنىقتىرۋ پانىنەن ساباق بەرەتىن نۇرلان راحمەتوۆ جاس سپورتشىنىڭ جاتتىعۋدان قالمايتىن ءتارتىپتى, ايتقاندى ەكى ەتكىزبەيتىن ەلگەزەك جانە ەرەن ەڭبەكقور ەكەنىن ايتادى.
بۇل جەڭىس نۇرداۋلەتكە كەزدەيسوق كەلگەن جوق. ول بۇعان دەيىن دە اسىق اتۋدان اۋداندىق جانە وبلىستىق جارىستاردا توپ جارىپ جۇرگەن تاجىريبەلى ويىنشى بولاتىن.
قاراعاندى وبلىسى
