الەم • 25 مامىر، 2021

Black lives matter تاعى دا جانداندى

53 رەت كورسەتىلدى

دجوردج فلويدتىڭ ومىردەن وتكەنىنە ءبىر جىل وتۋىنە بايلانىستى فلويد وتباسىنىڭ مۇ­شە­لەرى، Black lives matter ميتينگىلەرىندە جاقىن­دارىن جوعالتقان باسقا دا ازاماتتار مارش­قا شىقتى.

جەكسەنبىدە ميننەاپوليستە باستاۋ العان مارش مەملەكەت بويىنشا جالعاسىپ، تاعى دا جالپىۇلتتىق سيپات يەلەنەدى دەپ جوسپارلانعان. بەلسەندىلەر دجوردج فلويد،  فيلاندو كاستيل جانە پوليتسيا قولىنان قازا تاپقان باسقا دا افروامەريكالىقتاردىڭ سۋرەتتەرىن قولدارىنا الىپ، قالاداعى سوت عيماراتىنىڭ الدىنا جينالدى.

ودان باسقا، «ادىلدىك ورناماي، بەيبىتشىلىك جوق» دەگەن جازۋ ۇستاعاندار كوپ. مەديا بۇل قوزعالىستا مارقۇم فلويدتىڭ وتباسى وتە بەلسەندى ەكەنىن ايتادى. 

«بۇل ازاپقا تولى ءبىر جىل بولدى. جەكە ءوزىم ءۇشىن دە، وتباسىم ءۇشىن دە قاس قاعىم ساتتە ءومىرىمىز كۇرت وزگەرىپ كەتتى. سەبەبىن ءالى دە تۇسىنە الار ەمەسپىن»، دەيدى فلويدتىڭ قارىنداسى بريدجەت.

وسىدان ءدال ءبىر جىل بۇرىن افروامەريكالىق جىگىت پوليتسيا قولىنان قازا تاپتى. كىسى ءولىمى بويىنشا ايىپتالعان دەرەك چاۋۆينگە قاتىستى ۇكىم 2021 جىلى 20 ساۋىردە شىقتى. پوليتسيا قىزمەتكەرىنىڭ 8 مينۋت بويى مارقۇم دجوردجدىڭ موينىن اياعىمەن باسىپ تۇرعانى راستالدى. بۇل وقيعا اقش-تاعى افروامەريكالىقتاردىڭ كوتەرىلۋىنە سەبەپ بولدى. سودان كەيىن اقش كوشەلەرىندە بىرنەشە اپتاعا ۇلاسقان نارازىلىقتار، مارشتار، ءتىپتى قاقتىعىستار بولدى.

بەلسەندىلەر اقش سەناتىنىڭ نازار اۋدارۋىن تالاپ ەتۋدە. فلويد وتباسىنىڭ قورعاۋشىسى بەن كرامپ تا سەناتقا زاڭعا وزگەرىس ەنگىزۋ كەرەك دەگەن تالاپ ايتتى. وزگەرىستەر پوليتسەيلەرگە ادامدى تۇتقىنداۋ كەزىندە قىلقىندىرۋ ءتاسىلىن قولدانۋعا تىيىم سالىپ، قىزمەت بارىسىندا قاتە جىبەرگەن قۇقىق قورعاۋ ورگاندارى قىزمەتكەرلەرىنىڭ ءتىزىمىن جاساۋدى قاراستىرۋى كەرەك دەيدى. ء«بىز ۆاشينگتوننىڭ نازار اۋدارعانىن قالايمىز. ءبىز فەدەرالدىق زاڭدى وزگەرتكىمىز كەلەدى. داۋىس بەرىپ، وزگەرىس ەنگىزەتىن كەز كەلدى»، دەدى زاڭگەر.

«بەلسەندىلىك كۇنى» دەپ اتالاتىن اكتسيا دا بىرنەشە كۇنگە سوزىلادى دەپ جوسپارلانعان. ولار اقش ازاماتتارىن بەيجاي قاراماي، زاڭعا وزگەرىس ەنگىزۋگە اتسالىسۋعا شاقىرۋدا.

سوڭعى جاڭالىقتار

11 تامىزعا ارنالعان ۆاليۋتا باعامى

ەكونوميكا • بۇگىن، 09:40

ۇقساس جاڭالىقتار