ءىسساپار بارىسىندا قالانىڭ ورتالىق الاڭدارىنىڭ بىرىنە ۇلى ابايدىڭ ەسكەرتكىشى ورناتىلاتىنى تۋرالى ۋاعدالاستىققا قول جەتكىزىلدى. كەزدەسۋدە ءمۇسىنشى سەيفاددين كۋربانوۆ ەسكەرتكىشتىڭ جوباسىمەن تانىستىردى.
بۇل جوبا ەسكەرتكىش-تريپتيح تۇرىندە جاسالعان. ءمۇسىنشى بۇل ەڭبەگىن ء«ومىر اعاشى» دەپ اتادى. ەسكەرتكىشتىڭ ورتا تۇسىندا حاكىم اباي بەينەلەنگەن. ۇلى اقىننىڭ قوس قاپتالىندا ۋكراينانىڭ حالىق اقىنى گريگوري سكوۆورودا مەن ءازىربايجاننىڭ اعارتۋشى, فيلوسوفى مىرزا فاتالي احۋندوۆتىڭ كەسكىندەرى ادىپتەلگەن.
ەسكەرتكىشتىڭ جالپى بيىكتىگى – 4 مەتر. گۇلزاردىڭ اۋماعى – 2 543 شارشى مەتر. ول حاركوۆتەگى حالىق ەڭ كوپ جۇرەتىن, دەمالىس ايماعىنداعى كورنەكى جەردە ورنالاسقان.
دارحان امان ۇلى ءوز كەزەگىندە قالا باسشىلىعىنىڭ يگى باستاماسىنا ريزاشىلىعىن ءبىلدىرىپ, ەسكەرتكىش-ءتريپتيحتىڭ باۋىرلاس, تۋىسقان حالىقتار اراسىنداعى رۋحاني بايلانىستى ودان ءارى تەرەڭدەتىپ, ولاردىڭ مادەنيەتى مەن ونەرىن كەڭىنەن تانۋعا, يگەرۋگە جانە ءوزارا ىنتىماقتاستىقتى ارتتىرۋعا زور سەپتىگىن تيگىزەتىنىن تىلگە تيەك ەتتى.
«بۇل ەسكەرتكىشتى ءبىزدىڭ ۋكراين باۋىرلارىمىزدىڭ قازاق حالقىنا, قازاق تاريحى مەن رۋحانياتىنا كورسەتىلگەن شەكسىز قۇرمەتى رەتىندە قابىل الامىز», دەدى ەلشى.
وسى ورايدا, سوڭعى ۋاقىتتا قازاقستان مەن ۋكراينا اراسىنداعى ەكونوميكالىق, مادەني بايلانىستاردىڭ جاڭا ساپاعا كوتەرىلىپ, ەرەكشە قارقىن العانىن اتاپ وتكەن ءجون.
