رەسۋرستىق ورتالىق قوستاناي وبلىسىنىڭ ءبىلىم باسقارماسىمەن بىرلەسە وتىرىپ, «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن «دارا» جەكە قورىنىڭ باستاماسى اياسىندا بوي كوتەردى.
قوستاناي وبلىسى ءبىلىم باسقارماسىنىڭ دەرەكتەرى بويىنشا قالادا ەرەكشە ءبىلىم الۋعا قاجەتتىلىگى بار 2200-دەن استام بالا تۇرادى, ونىڭ ىشىندە 471 بالا قالا مەكتەپتەرىندە وقيدى.
«ارينە, «ەرەكشە» بالالار مەكتەپ پەن وقىتۋشىلار قۇرامى تاراپىنان ەرەكشە جانە جان-جاقتى كوزقاراستى تالاپ ەتەدى. اتاپ ايتقاندا, ادىستەمەلىك, ۇيىمداستىرۋشىلىق جانە اقپاراتتىق قولداۋ, قورشاعان ورتانى بەيىمدەۋ, جەكە ءبىلىم بەرۋ باعىتتارىن قۇرۋ, ال كەيبىر جاعدايلاردا ارنايى مۇعالىمدەردىڭ قولداۋى قاجەت. سوندىقتان بۇل جولداعى ماڭىزدى قادام – رەسۋرستىق ورتالىقتاردى اشۋ», دەيدى «دارا» جق وكىلى مارال شەشەمبەكوۆا.
جالپى ءبىلىم بەرەتىن مەكتەپتەرگە باراتىن ەرەكشە قاجەتتىلىكتەرى بار بالالار كوبىنەسە مامانداردىڭ قولداۋىنا, ۋاقىتىلى دەمالىس پەن رەلاكساتسياعا مۇقتاج. اتالعان ماسەلەلەردىڭ بارلىعى رەسۋرستىق ورتالىقتاردى – پسيحولوگ, لوگوپەد, دەفەكتولوگ جانە باسقا مۇعالىمدەر بالالارمەن اينالىساتىن كەڭىستىكتى قۇرۋ كەزىندە ەسكەرىلەدى.
مۇندا دامۋ ەرەكشەلىكتەرى بار بالالارمەن جۇمىس ىستەيتىن مۇعالىمدەر دە, اتا-انالار دا كەڭەس الا الادى. سونداي-اق رەسۋرستىق ورتالىقتا ۇيدە وقيتىن بالالاردى الەۋمەتتەندىرۋ بويىنشا جۇمىستار جۇرگىزىلەدى.
ء«ار الۋان – بىراق تەڭ» جوباسىنىڭ ارقاسىندا ينكليۋزيۆتى ءبىلىم بەرۋ جۇيەسى كەڭەيىپ كەلەدى. تەك سوڭعى 1,5 ايدىڭ ىشىندە ءبىز جامبىل وبلىسىندا پپتك جانە رو فيليالدارىن, ارقالىق پەن پەتروپاۆلدا 2 رو اشتىق. ال بۇگىن كەزەكتى ورتالىقتى وسىندا اشقالى جاتىرمىز. سونىمەن قاتار جۋىردا تۇركىستان وبلىسىندا دا پپتك-ءتى ىسكە قوسامىز. بارلىعى 14 پپتك جانە 16 ينكليۋزيۆتى ءبىلىم بەرۋ رەسۋرستىق ورتالىعى اشىلدى», دەپ اتاپ ءوتتى «Samruk-Kazyna Trust» قورىنىڭ رەسمي وكىلى ميراس ىرگەباەۆ.
ينكليۋزيۆتى ءبىلىم بەرۋدىڭ رەسۋرستىق ورتالىعىنىڭ اشىلۋى – بۇل ينكليۋزيۆتى ءبىلىم بەرۋدى قولداۋدىڭ رەسۋرستىق كابينەتتەرىنىڭ جەلىسىن كەڭەيتۋ بويىنشا ءبىلىم مەن عىلىمدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىن جۇزەگە اسىرۋ. بۇگىنگى تاڭدا قوستاناي وبلىسىندا ينكليۋزيۆتى ءبىلىم بەرۋدىڭ 1 رەسۋرستىق ورتالىعى جانە ينكليۋزيۆتى ءبىلىم بەرۋدى قولداۋدىڭ 3 كابينەتى جۇمىس ىستەيدى.
