بۇل ءىس-شارانىڭ ءمانىسى مىنادا بولدى: جەرگىلىكتى ءىرى دۇكەننىڭ بىرىنە ءۇستى ازىق-ت ۇلىك تۇرلەرىنە تولى ۇستەل قويىلدى. ونىڭ جانىنا «مۇقتاجسىڭ با – ال, مىرزاسىڭ با – سال» دەپ جازىلعان حابارلاندىرۋ ءىلىندى. ياعني دۇكەنگە كىرگەن كەز كەلگەن تۇرعىن شىن مۇقتاجدىق قىسسا, وسى جەردەن وزىنە كەرەكتىسىن الىپ كەتە الدى. ال جاعدايى بارلار بولسا, ازىق-ت ۇلىكتىڭ قانداي دا ءبىر ءتۇرىن ساتىپ الىپ, الگى ۇستەلدىڭ ۇستىنە قويىپ كەتىپ وتىردى. مۇنىسىمەن ول قايىرىمدى ىسكە ءوزىنىڭ ۇلەسىن قوسقان ەدى.
– اكتسيا يدەياسىن ءبىزدىڭ قوردىڭ قىزمەتىن بۇرىننان قاداعالاپ جۇرگەن, كومەك كورسەتىپ كەلە جاتقان تانىس بالالار ويلاپ تاپتى. ولار بۇل ىسكە ۇزاق ۋاقىت دايىندالدى: قاراجات جينادى, ازىق-ت ۇلىك ونىمدەرىن ساتىپ الدى. بۇل اكتسيانىڭ نەندەي ماقساتتى كوزدەگەنىن ادامدار ءتۇسىنۋى ءۇشىن ارنايى جادىناما دا جاسادى, – دەيدى «وتزىۆ» قوعامدىق قورىنىڭ جەتەكشىسى الەكساندر كوروگودوۆ.
جاستاردىڭ بۇل يگى ءىسى تۇرعىندار تاراپىنان ۇلكەن قولداۋ تاپقانىن ايتا كەتكەن ءلازىم. مىسالى, اكتسيا تۋرالى قۇلاعدار بولعان جاس كاسىپكەرلەر بۇل ىسكە وزدەرىنىڭ ۇلەستەرىن قوسا باستادى. اتاپ ايتقاندا, جەمىس-جيدەك ساتۋمەن اينالىساتىن جاس بيزنەسمەندەر ارنايى ۇستەلدىڭ ءۇستىن الما, بانان, كيۆي سياقتى جەمىستەرمەن تولتىرىپ تاستادى.
«وتزىۆ» قوعامدىق قورىنىڭ جەتەكشىسى الەكساندر كوروگودوۆ قايىرىمدىلىقپەن اينالىسىپ جۇرگەن جاستاردى بارىنشا قولدادى. ول اكتسياعا قارجىلاي دەمەۋشىلىك جاساپ, سونىمەن بىرگە ءىس-شارانى دۇرىس ۇيىمداستىرۋ جاعىنان قول ۇشىن بەرىپ, ءوزىنىڭ مول تاجىريبەسىمەن ءبولىستى.
– ۇستەلدىڭ جانىنان وتكەن قاراپايىم ادامدار مۇنداي قايىرىمدى ىسكە سەنەر-سەنبەسىن بىلمەي تاڭعالۋمەن بولدى, – دەيدى «وتزىۆ» قورىنىڭ جەتەكشىسى. – باسىندا جۇرتتىڭ كوبى جاستار ازىق-تۇلىك ساتىپ تۇر دەپ ويلادى. كوپتەگەن مۇقتاج جاننىڭ ۇستەلگە جاقىنداۋعا ۇيالعانىن دا كوردىك. ءبىز ولاردى ءوزىمىز شاقىرىپ الىپ, كەرەكتىسىن سومكەلەرىنە سالىپ بەردىك.
ال ۇستەلدىڭ ۇستىندە جەمىس-جيدەكتەن بولەك, كۇرىش, قاراقۇمىق, ماكارون, قانت, تۇز, ۇن, سۋ, قۇرما سياقتى اسا قاجەت ازىق-ت ۇلىك ونىمدەرى بولعان ەدى.
جالپى, وسىنداي قايىرىمدى ىستەردىڭ بەل ورتاسىندا جۇرەتىن «وتزىۆ» قوعامدىق قورى وسىمەن سەگىزىنشى قايىرىمدىلىق اكتسياسىن ۇيىمداستىرىپ وتىر. سوڭعى رەت وتكىزگەن ءىس-شارا بارىسىندا ولار ازىق-ت ۇلىك ونىمدەرىن ساتىپ الىپ, الەۋمەتتىك وسال توپقا جاتاتىن 40 وتباسىنا تەگىن تاراتىپ بەردى.
اتالعان قوردىڭ جەتەكشىسى قايىرىمدىلىق اكتسيالارىنىڭ الداعى ۋاقىتتا دا جالعاسىن تابا بەرەتىنىن ايتادى. «قايىرىمدىلىق ادامداردى مەيىرىمدى ەتەدى», دەيدى «وتزىۆ» قوعامدىق قورىنىڭ جەتەكشىسى الەكساندر كوروگودوۆ.
قاراعاندى وبلىسى
