ەكىنشى كەزەڭنىڭ 33-مينۋتىندا فينليانديالىق انتون لۋندەلل ەسەپ اشسا, وعان 35-مينۋتتا كيريلل پانيۋكوۆ ءبىر شايبامەن جاۋاپ بەردى.
ءۇشىنشى كەزەڭدە جانە وۆەرتايمدا كوماندالار جەڭىستى گولدى قاقپاعا دارىتا المادى. ماتچ تاعدىرى بۋلليت سەرياسىندا عانا شەشىلدى. وسىلايشا, بۇعان دەيىن ءتورت مارتە فينليانديالىقتاردان جەڭىلىپ قالعان حوككەيشىلەرىمىز بۇل جولى 2-1 ەسەبىمەن جەڭىسكە جەتتى.
قازاقستان كومانداسى العاشقى ماتچتا لاتۆيامەن كەزدەسىپ, بۋلليت سەرياسى بويىنشا 3:2 ەسەبىمەن جەڭىسكە جەتكەنى تۋرالى بۇعان دەيىن دە حابارلاعان ەدىك.
ايتا كەتەيىك, قازاقستاندىق حوككەيشىلەر ەندى 25 مامىردا اقش قۇراماسىمەن كەزدەسەدى.
